तेहरान । इरानको राज्य-संचालित टेलिभिजन लाइभ प्रसारणमा ह्याक भएको छ । शनिबार समाचार प्रसारण भइरहँदा देशका नेताविरुद्ध विरोधसहित समाचार बुलेटिन अवरुद्ध भएको थियो ।
लाइभ समाचार प्रसारण हुँदा टेलिभिजनको स्क्रिनमा एक मास्क देखा परेको थियो । त्यसपछि सर्वोच्च नेता अली खामेनीको तस्बिर उनको वरिपरि आगोको मुस्लो देख्न सकिन्थ्यो ।
महसा अमिनीको मृत्युलाई लिएर देशमा सुरक्षा बल र प्रदर्शनकारीबीच झडप हुँदा कम्तिमा तीन जनाको गोली हानी हत्या भएको छ । अमिनीलाई कपाल राम्ररी नढाकेको आरोपमा नैतिकता प्रहरीले तेहरानमा पक्राउ गरेको थियो ।
२२ वर्षीया इरानी कुर्दको पक्राउ परेको तीन दिनपछि अर्थात १६ सेप्टेम्बरमा हिरासतमै मृत्यु भएको थियो । उनको मृत्युपछि देशव्यापी अभूतपूर्व विरोध प्रदर्शन भएका छन् ।
स्थानीय समयअनुसार शनिबार ६ बजे समाचार बुलेटिन प्रसारण हुँदा ह्याक भएको थियो । एजेन्सी
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच