-ध्रुवसागर शर्मा
म्याग्दी । म्याग्दीको सदरमुकाम बेनीमा जारी नवौँ राष्ट्रिय खेलकुद प्रतियोगिता अन्तर्गत महिला भलिबलको शनिबार सम्पन्न लिगचरणको खेलमा प्रदेश नम्बर एकले मधेशप्रदेशलाई ३–० को सोजो सेटमा पराजित गर्दै जित निकालेको छ ।
मधेश प्रदेशमाथि २५–१३, २५–२२, २५–१५ को जित निकालेको हो ।
बेनीको खुल्ला मञ्चमा खचाखच भरिएका दर्शकहरुले दुवै प्रदेशका पक्षमा बाडिएर हुटिङ गरेका थिए ।
खेल निकै प्रतिस्पर्धापूर्ण भएपनि मधेश प्रदेशले जित निकाल्न सकेन । आजकै पहिलो खेलमा नेपाली सेनाको त्रिभुवन आर्मी क्लबले कर्णाली प्रदेशलाई ३–० को सोजो सेटमा पराजित गर्दै जित निकालेको थियो । कर्णाली प्रदेशमाथि आर्मी क्लबले २५–१२, २५–१३, २५–१२ को जित निकालेको हो ।
लगातार दुई खेलमा पराजित भएपछि कर्णाली प्रदेश लिग चरणबाट बाहिरिएको छ । भोलि आइतबार पहिलो खेल विभागीय समूह त्रिभुवन आर्मी क्लब र एपिएफ दोस्रो बागमति र मधेश प्रदेशकाबीच हुने प्रतियोगिताको अफिसियल व्यवस्थापक तथा जिल्ला भलिबल संघका अध्यक्ष तेजेन्द्र बानियाँले बताए ।
सोमबारदेखि क्वाटर फाइनलका खेलहरु संचालन हुने उनले जानकारी दिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच