धादिङ । धादिङमा समानुपातिकको मत गणना गर्ने क्रममा प्रत्यक्षतर्फको बाकास फेला परेको छ ।
धादिङ प्रतिनिधिसभा क्षेत्र नम्बर २ मा प्रत्यक्षतर्फको सिंगै मतपेटिका भेटिएको हो । प्रतिनिधिसभा सदस्यका लागि समानुपातिक मत गणना गर्दा प्रत्यक्ष तर्फको बाक्सा भेटिएपछि मतगणना स्थलमा तहल्का मच्चिएको छ ।
खनियाबास गाउँपालिका वडा नम्बर ४ को गणेशकुण्ड मावि मतदान स्थलको ‘ख’ केन्द्रको मतपेटिका गणनामा छुटेको मुख्य निर्वाचन अधिकृत स्विकृति पराजुलीले बताउनु भयो ।
गणेशकुण्ड मावि मतदान स्थलमा ‘क’ र ‘ख’ गरी दुई वटा केन्द्र रहेको थियो । ‘ख’ केन्द्रमा रहेको चार सय ५१ मत गणनामै छुट्यो । रातको समयमा सबैतिरको मतपत्रहरू एकै पटक आउँदा भण्डारमा राख्ने क्रममा प्रत्यक्ष तर्फको मतपेटिका समानुपातिकतर्फ परेको उहाँको भनाइ छ ।
उहाँका अनुसार मतदाताले मत जाहेर गरेपछि कुनै पनि भुलवस जुनसुकै बाक्सामा परेपनि सदर गर्ने मतगणना पूर्वनै सर्वपक्षीय सहमति अनुसार मतगणना हुनेछ ।
धादिङ प्रतिनिधिसभामा कूल एक सय ५५ मतदान केन्द्र रहेकोमा एक सय ५४ वटा केन्द्रको मात्रै गणना भएको छ । मतगणना सम्पन्न भएपछि सत्ता गठबन्धनका साझा उम्मेदवार नेपाली कांग्रेसका रामनाथ अधिकारी विजयी हुनुभयो । अधिकारी ३४ हजार ४ सय ८३ मतका साथ विजयी हुनु भएको थियो ।
उहाँका प्रतिस्पर्धी नेकपा (एमाले) नेकपा एमालेका खेम लोहनीले २३ हजार ९ सय ५० मत ल्याउनु भएको थियो । अधिकारीले १० हजार ५ सय ३३ मत अन्तरले विजयी भएको थियो ।
पछि फेला परेको मत गणना गर्दा नेपाली कांग्रेसका रामनाथ अधिकारीलाई भन्दा नेकपा एमालेका खेमप्रसाद लोहनीलाई १८ मत बढी आएको छ । अब दुई उम्मेदवार बीचको मतान्तर १० हजार पाँचसय १५ भएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच