हुम्ला । मङ्सिर ४ गते सम्पन्न प्रतिनिधिसभा र प्रदेशसभा सदस्यका चार जना उम्मेदवारले अझै निर्वाचन खर्च बुझाउन सकेका छैनन् ।
प्रतिनिधिसभा र प्रदेशसभा सदस्यमा हुम्लाबाट विभिन्न राजनीतिक दल र स्वतन्त्र गरी १३ जनाले उम्मेदवारी दिएका थिए । यी मध्ये उम्मेदवार बनेका हुम्लाका ९ जना उम्मेदवारले निर्वाचन खर्च बुझाएका छन् भने बाँकी चार जनाले बुझाउन सकेका छैनन् ।
निर्वाचन खर्च नबुझाउनेमा प्रतिनिधिसभा सदस्य पदका उम्मेदवार नेकपा (माओवादी केन्द्र)बाट निर्वाचित छिरिङ डम्डुल लामा (कार्चेन) ले भने अझै खर्चको विवरण बुझाउनु भएकाे छैन । प्रतिनिधि सभा सदस्य पदका उम्मेदवारमध्ये तेजबहादुर रावत (राप्रपा) र दल रावल (नेकपा एमाले)ले खर्च विवरण बुझाएको जिल्ला निर्वाचन कार्यालय हुम्लाले जानकारी दिएको छ ।
यस्तै प्रदेशसभा सदस्य पदका ‘क’ बाट उम्मेदवार बन्नुभएकाे दल फडेरा (एमाले), मंगलबहादुर शाही (स्वतन्त्र) र रणसिंह परियार (माओवादी केन्द्र)ले भने खर्च विवरण बुझाउनु भएकाे छैन । परियार निर्वाचित प्रदेशसभा सदस्य हुनुहुन्छ । प्रदेश सभा ‘क’मा पाँच जनाले उम्मेदवारी दिएकोमा छापे ऐडी (राप्रपा) र हस्तबहादुर शाही नेकपा (एकीकृत समाजवादी)ले खर्च विवरण बुझाएको निर्वाचन कार्यालय हुम्लाले बताएको छ ।
त्यस्तै, प्रदेश सभा ‘ख’मा पाँचै जना उम्मेदवारले खर्च विवरण बुझाएको कार्यालयले जनाएको छ । खर्च विवरण बुझाउनेमा कर्णाली प्रदेशका मुख्यमन्त्री जीवनबहादुर शाही (कांग्रेस), सुमन रावत (राप्रपा नेपाल), बलीराज शाही (जनता समाजवादी), नैनसिंह रावत (राप्रपा) र छक्कबहादुर लामा (एमाले)का उम्मेदवार रहेका छन् । हालसम्म ९ जना उम्मेदवारले चुनावी खर्चको विवरण पेश गरेका छन् ।
Like
Love
Happy
Surprised
Sad
Excited
Angry
राज्यको धरपकडले निजी क्षेत्र त्रसित
ड्युटीमै रहेका प्रहरी सहायक निरीक्षक
संसद बैठकमा प्रधानमन्त्री बालेन्द्र साह
वरिष्ठ चिकित्सक उपाध्यायको निधन
विश्व रोबोटिक्समा नेपाली चेलीको ऐतिहासिक
कर्णाली : संघर्ष, सम्भावना र