बाजुरा । मंसिर ४ गते आम निर्वाचनको दिन बाजुरामा मतदानका क्रममा भएको विवादपछि कुटपिट गरेर हत्या गरिएका भनिएका चेतन अयडीको ९ दिनपछि परिवारद्वारा शव बुझेर सोमबार दाहसंस्कार गरिएको छ ।
अयडी नेकपा एमालेको भातृ संगठन अनेरास्ववियुुका केन्द्रीय सदस्य समेत रहेका थिए । सोमबार बिहान अयडीको शव अन्तिम श्रद्धाञ्जलीका लागि खुलामञ्चमा राखिएको थियो र त्यसपछि शवयात्रा गरिएको थियो ।
बाजुराको त्रिवेणी नगरपालिका ७ घर भएका ३२ वर्षीय अयडीलाई मतदानको दिन त्रिवेणी ७ कै मतदान केन्द्रमा काँग्रेस र एमालेका कार्यकर्ताबीच विवाद भएपछि कांग्रेस कार्यकर्ताहरुले कुटपिट गरी गम्भीर घाइते बनाएका थिए ।
उनलाई सोही दिन राती उपचारका लागि अछामस्थित बयलपाटा अस्पताल लगिएको थियो । तर चिकित्सककले उनलाई अस्पताल पुर्याउँदा मृत घोषित गरेका थिए । सोही दिन चेतनको हत्या अघि प्रहरीको गोली लागेर नेपाली काँग्रेसका कार्यकर्ता सञ्जिव अयडीको मृत्यु भएको थियो ।
चेतनको हत्यारा पत्ता लगाउन माग गर्दै एमाले बाजुराले आन्दोलन गर्दे आइरहेको छ । चेतनको परिवारले हत्यामा संलग्न रहेको भन्दै २२ जना बिरुद्ध किटानी जाहेरी दिएको छ । ती मध्ये केहीलाई पक्राउ गरिएको बाजुरा प्रहरीले जनाएको छ । मंसिर ४ गते नै बाजुरामा निर्वाचन सकिएको भएपनि धाँधली भएको उजुरी परेपछि अझै मतगणना हुन सकेको छैन ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच