काठमाडौं । चौधरी ग्रुपद्वारा प्रवद्र्धित १८ मेगावाटको मिडिल मोदी जलविद्युत् आयोजना सम्पन्न भएको छ । मोदी खोलामा निर्माण भएको आयोजनाबाट परीक्षण उत्पादन सुरु भएको छ । १५ दिन परीक्षण उत्पादनपछि नियमित उत्पादन सुरू हुने चौधरी ग्रुपले जनाएको छ ।
मिडिल मोदी जलविद्युत् आयोजना चौधरी ग्रुपले लगानी गरेको पहिलो आयोजना हो । ग्रुपले अघि बढाएको आयोजना सम्पन्न भएकोमा ग्रुुपका प्रबन्ध निर्देशक निर्वाण चौधरीले खुशी व्यक्त गर्दै नेपालको जलविद्युत् उत्पादनमा निजी क्षेत्रले उल्लेख्य योगदान गर्न सक्ने बताउनुभयो । उहाँले भन्नुभयो, ‘बिजुलीको अत्यधिक खपत हुने ड्राइ सिजनमा आयोजना सकिएर केन्द्रीय प्रसारण लाइनमा जोडिएकोमा हामी खुशी छौँ, यसबाट देशको आर्थिक विकासमा सकारात्मक योगदान पुग्नेछ ।
आर्थिक विकासका लागि पूर्वाधारमा गरिने लगानीले निकै महत्वपूर्ण अर्थ राख्छ ।’ पर्वतको मोदी गाउँपालिका-२ केंगामा पावर हाउस निर्माण गरिएको आयोजनाको बाँध कास्कीको अन्नपूर्ण गाउँपालिका-३ वीरेठाँटीमा रहेको छ । आयोजनामा दुई हजार तीन सय ९३ मिटर लामो सुरुङमार्फत् मोदी खोलाको पानी खसालिएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच