काठमाडौं । पोर्चुगल राष्ट्रिय फुटबल टोलीका मुख्य प्रशिक्षक फर्नान्डो सान्तोस बर्खास्तमा परेका छन् । कतार फिफा विश्वकपको क्वाटरफाइनलमा मोरक्कोसँग पराजित भएपछि पोर्चुगल फुटबल महासंघले उनलाई बर्खास्त गरेको हो ।
विश्वकपको नकआउट र क्वाटरफाइनलमा खेलमा कप्तान क्रिस्टियानो रोनाल्डोलाई बेन्चमा राखेपछि सान्तोसको चर्को आलोचना भएको थियो ।
पहिलोपटक क्वार्टरफाइनल पुगेको मोरक्कोसँग हारेपछि प्रशिक्षक सान्तोसको आलोचना थप बढेको थियो ।
सान्तोसले पोर्चुगलको मुख्य प्रशिक्षकका रुपमा आठ वर्ष बिताएका थिए । पोर्चुगल फुटबल महासंघसँग उनले सन् २०२४ मा हुने युरोपेली च्याम्पियनसिपसम्मका लागि सम्झौता गरेका थिए । तर उक्त सम्झौता अगाबै उनि बर्खास्तमा परेका हुन् ।
विभिन्न मिडिया रिपोर्ट अनुसार पोर्चुगलको फुटबल संघले आफ्नै देशका ६८ वर्षका सान्तोषलाई पदबाट हटाएर ‘फ्रेस कोच’का साथ अब नयाँ यात्रा सुरुआत गर्ने गरी छलफल सुरु गरेको छ ।
सान्तोष कतारबाट पोर्चुगल पुगिसकेका छन् । पोर्चुगल अन्तिम आठमा मोरक्कोसँग १-० ले पराजित भएर आउट भएको थियो ।
पछिल्ला दिन आएका रिपोर्ट अनुसार प्रशिक्षक सान्तोष र टिमका कप्तन क्रिस्टियानो रोनाल्डोबीच सम्बन्ध बिग्रन थालेपछि संघले टिमको एकता कायम राख्न तथा नयाँ ढंगले सुरुआत गर्नका लागि सान्तोषलाई पदबाट हटाउने निर्णय गरेको थियो ।
विश्वकपमा रोनाल्डोलाई सान्तोषले अन्तिम १६ र अन्तिम आठमा लगातार बेन्चमा राखेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच