सुर्खेत । कर्णाली प्रदेश सभामा ३७.५ प्रतिशत महिला सांसदको सहभागीता भएको छ । निर्वाचन आयोगले शनिबार कर्णाली प्रदेश प्रमुखमा बुझाएको विवरण अनुसार महिलाको प्रतिनिधित्व ३७.५ प्रतिशत रहेको हो ।
निर्वाचन आयोगले गत मंसिर ४ गते भएको आम निर्वाचनको अन्तिम नतिजाको परिणाम कर्णाली प्रदेश प्रमुखसमक्ष पठाउनुपर्ने प्रावधान बमोजिम कर्णाली प्रदेश सभा सदस्य निर्वाचन, २०७९ को परिणाम सहितको प्रतिवेदन प्रदेश प्रमुख तिलक परियार समक्ष प्रस्तुत गरेको छ ।
निर्वाचन आयोगका सह–सचिव यज्ञप्रसाद भट्टराईले प्रदेश प्रमुख तिलक परियारलाई विवरण बुझाउनु भएको हो । आयोगले तयार गरेको निर्वाचन परिणाम प्रतिवेदन अनुसार कर्णाली प्रदेशको प्रदेश सभातर्फ ४० जना निर्वाचित हुनुभएको छ । जसमा पुरुष २५ जना अर्थात् ६२.५ प्रतिशत र महिला १५ जना अर्थात् ३७.५ प्रतिशत निर्वाचित हुनुभएको हो ।
कर्णाली प्रदेशका १० लाख ८ हजार ४०३ मतदाता मध्ये ६०.९६ प्रतिशत मतदान भएको थियो । जसमध्ये प्रदेशसभा तर्फ ५ लाख ८९ हजार ४८४ अर्थात ९५.९ प्रतिशत मत सदर भएको थियो भने २५ हजार २३३ अर्थात ४.१० प्रतिशत मत बदर भएको थियो ।
कर्णाली प्रदेश सभा सदस्य निर्वाचनमा पहिलो हुने निर्वाचित हुने निर्वाचन प्रणाली अन्तरगत १५ र समानुपातिक निर्वाचन प्रणाली अन्तरगत २८ राजनीतिक दलले निर्वाचनमा भाग लिएका थिए । प्रदेशसभा सदस्य निर्वाचन ऐन २०७४ अनुसार समानुपातिक निर्वाचन प्रणाली अन्तरगत कम्तीमा एक सिट प्राप्त नगरेका २२ वटा राजनीतिक दलको धरौटी जफत भएको छ ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर