काठमाडौं । नेविसंघ शंकरदेव क्याम्पस इकाई समितिले रक्तदान कार्यक्रमको आयोजना गरेको छ । नेविसंघ नेता मदनराज उपाध्यायको संयोजकतत्वमा आयोजित कार्यक्रममा दुई सय ८ जनाले रक्तदान गरेका छन् ।
क्याम्पसमा नवआगन्तुक विद्यार्थीलाई स्वागत गर्दै नेविसंघले रक्तदान कार्यक्रम गरेको हो । 'रंग र खादा लगायर वा कुनै तामझामका साथ नवआगन्तुक विद्यार्थीहरूलाई स्वागत गर्नुभन्दा कुनै बिरामीका लागि जीवनदान हुनेगरी रक्तदान कार्यक्रमको आयोजना गरेर विद्यार्थी साथिहरूलाई स्वागत गरेका हौं,' नेता उपाध्यायले भन्नुभयो । उहाँले थोरै भए पनि बिरामीहरूलाई सहयोग पुगोस् भन्ने उदेश्यका साथ यो कार्यक्रम गरिएको बताउनु भयो ।
कार्यक्रमका नेविसंघ क्याम्पस इकाई अध्यक्ष बिबेक तामाङ प्रमुख अतिथि रहनुभएको थियो। यस्तै शंकरदेव क्याम्पसका नेताहरू भुवन ओझा, कृष क्षेत्री, रविन कार्की, पवन ऐर, निरज बेलवासे, गजेन्द्र बम, केशब जोशी, भुवन भाट, प्रमोद पण्डितलगायतले आफ्नो धारणा राख्नुभएको थियो ।
नेविसंघ शंकरदेव क्याम्पस इकाई समितिले आगामी दिनमा पनि शैक्षिक गुणस्तर अभिवृद्धिका लागि दवाव दिनुका साथै यस्तै रचनात्मक काम गर्दैजाने जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच