बेरुत । दक्षिण पूर्वी टर्कीको नियन्त्रणमा रहेको सिरियाली भू-भागमा केन्द्रबिन्दु रहेको ७.८ म्याग्निच्युडको भूकम्पमा परी मृत्यु हुनेको संख्या सोमबार १२ सयभन्दा बढी पुगेको जनाइएको छ । एजेन्सीहरूका अनुसार टर्किस राष्ट्रपति रेसेप एर्डोगानले टर्कीमा मात्रै कम्तीमा ९१२ जनाको मृत्यु भएको बताउनुभएको छ भने सिरियामा सोही भूकम्पमा परी कम्तीमा ३२० जनाको मृत्यु भएको छ । अधिकारीका अनुसार मृतकको आँकडा तीव्र रूपमा बढिरहेको छ ।
टर्किस राष्ट्रपति एर्डोगानका अनुसार कम्तीमा पाँच हजार ३०० ८३ जना टर्कीमा मात्रै घाइते भएका छन् भने सिरियामा पनि सयौं घाइते हुनपुगेका छन् । सन् १९३९ यताकै ठूलो क्षति भएको राष्ट्रपति एर्डोगानले जनाउनुभएको छ । उहाँका अनुसार भूकम्पमा दुई हजार ८१८ भवन भत्किनपुगेका छन् ।
अमेरिकी भौगर्भिक सर्भेका अनुसार स्थानीय समयअनुसार सोमबार बिहान ४ः१७ बजे टर्कीको दक्षिण पूर्वी क्षेत्रमा पर्ने सिरियाली गाजियान्टेप नजिकै १७.९ किलोमिटरको गहिराइमा केन्द्रबिन्दु भई ७.८ म्याग्निच्युडको भूकम्प गएको हो ।
टर्की सरकारले आपतकालको घोषणा गरेको छ । पहिलो झट्काको केही मिनेटपछि अर्को एउटा शक्तिशाली झट्का महसुस गरियो । टर्की विपद् व्यवस्थापन एजेन्सीले पूरा इलाकामा एकपछि अर्को गरी ४० भन्दा बढी पराकम्प महसुस गरिएको थियो । टर्कीसमेत लेबनान, सिरिया, साइप्रस, इजराइल र प्यालेस्टाइना पनि भूकम्पको झट्का महसुस गरिएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच