काठमाडौं । राष्ट्रिय स्वतन्त्र पार्टीको संसदीय दल र केन्द्रिय समितिको बैठक जारी छ ।
बैठक पार्टी केन्द्रिय कार्यालय बसुन्धारामा ४ बजेबाट शुरु भएको हो ।
बैठकले चितवन निर्वाचन क्षेत्र नम्बर २ मा पार्टीबाट कसले उम्मेदवारी दिने भन्ने बारेमा छलफल गर्नुका साथै समसामयिक राजनीति र संगठन बिस्तारबारे छलफल हुने पनि बताइएको छ ।
रास्वपा रवि लामिछानेको नागरिकता विवादसँगै उपप्रधानसहित गृह मन्त्रालय गुमाएपछि सरकारबाट बाहिरिएको थियो । यद्यपी सरकारलाई समर्थन भने जारी राखेको छ ।
आजको बैठकमा सत्तारुढ दलहरुले सरकारमा सहभागी हुन आह्वान गरेकाले सो विषयमा पनि छलफल गर्ने बताइएको छ ।
पुष्पकमल दाहाल प्रचण्ड नेतृत्वको सरकारबाट औपचारिक रुपमा बाहिरिएको घोषणा गर्देै सरकारबाट बाहिरिएपछि रास्वपाले पहिलो पटक केन्द्रिय समिति बैठक बोलाएको हो ।
एक केन्द्रीय सदस्यका अनुसार सरकारमा पुन सहभागिता बारे पनि आजको बैठकमा छलफल हुने छ । सत्तारुढ दलद्वारा गठित उच्चस्तरीय राजनीतिक संयन्त्र रास्वपालाई सरकारमा सहभागी हुन आग्रह गर्दै आएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच