कैलाली । नेपाली सेनाले सुदूरपश्चिम प्रदेश पृतना हेडक्वाटरले इतिहासदेखि वर्तमानसम्मका सैनिकसम्बन्धी विविध सामग्री तथा गतिविधि समेटेर दुई दिने बृहत प्रदर्शनी आयोजना गरेको छ ।
महाशिवरात्री तथा २६० औं नेपाली सेना दिवसको अवसरमा कैलालीको धनगढीमा ‘सैनिक प्रदर्शनी तथा युनिट रन –२०७९’ शुरु भएको हो ।
सुदूरपश्चिम प्रदेशका प्रदेश प्रमुख देवराज जोशीको प्रमुख आतिथ्यमा भएको कार्यक्रममा धनगढी उपमहानगरपालिकाका नगर प्रमुख गोपाल हमाल लगायत प्रदेश सरकारका विभिन्न मन्त्रालयका प्रमुख तथा प्रतिनिधि, संघ/संस्थाका प्रतिनिधि तथा प्रमुख, सञ्चारकर्मी, विभिन्न विद्यालयका विद्यार्थी तथा शिक्षक लगायतको सहभागिता रहेको थियो ।
शुक्रबारदेखि शुरु भएको प्रदर्शनी शनिबारसम्म हुने उपरथी विजय थापाले जानकारी दिनु भयो । उहाँले इतिहासदेखि वर्तमान सम्मका सैनिकका विविध गतिविधिबारे प्रदेशका नागरिकलाई जानकारी दिन २०७४ सालदेखि केन्द्रदेखि प्रदेशमा यस्ता कार्यक्रम गरिन लागेको जानकारी दिनुभयो ।
निःशुल्क प्रवेशको सुविधा मिलाएको प्रदर्शनीमा सैनिक व्याण्ड, हातहतियार, उपकरण, पोशाक, खेलकुद तथा पर्वतारोहण एवम् विकास निर्माण लगायत प्रदर्शनीमा रहेका छन् । राष्ट्रसङ्घीय शान्ति स्थापनामा सेना सहभागिता, विशेष फौज, एकीकरण पदमार्ग जर्गेना, पदिक फौज र मुद्दति अङ्ग लगायत सुरक्षा गतिविधिबारे प्रर्दशनी अवलोकन गर्न सकिने उहाँले बताउनु भयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच