काठमाडौं । आईसीसी क्रिकेट विश्वकप लिग टु अन्तर्गत त्रिदेशीय सिरिजमा पपुवा न्युगिनी (पीएनजी)ले दिएको २०४ रनको मध्यम लक्ष्य पछ्याउँदै नेपालका लागि कुशल भुर्तेलले अर्धशतक बनाएका छन् ।
दुबई अन्तर्राष्ट्रिय क्रिकट रंगशालामा कुशलले ५९ बलमा पाँच चौका प्रहार गर्दै अर्धशतक बनाएका हुन् । एकदिवसीय अन्तर्राष्ट्रिय क्रिकेटमा उनको यो चौथो अर्धशतक हो । यसअघि कुशलले टियु क्रिकेट मैदानमा भएको लिग टु कै त्रिदेशीय सिरिजमा नामिबियाविरुद्ध शतक बनाएका थिए ।
नेपालले १९ ओभरको समाप्तिमा दुई विकेटको क्षतिमा १०३ रन बनाएको छ । यसअघि आशिफ शेखलाई ४४ रनमा रनआउट भए । उनले ३९ बलमा पाँच चौका प्रहार गरे । पहिलो विकेटका लागि कुशल र आशिफले ७६ रनको साझेदारी गर्दै नेपाललाई उत्कृष्ट सुरुवात दिलाए । ज्ञानेन्द्र मल्ल भने चार रनमा आउट भए ।
यसअघि दुबई अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको पपुवा न्युगिनीले निर्धारित ५० ओभरमा ९ विकेटको क्षतिमा २०३ रन बनाएपछि नेपालले मध्यम चुनौती पाएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच