काठमाडौं । राष्ट्रपति रामचन्द्र पौडेललाई मुटुमा समस्या देखिएपछि अस्पताल भर्ना गरिएको छ ।
मुटुमा समस्या देखिएपछि पौडेललाई आज(मंगलबार) बिहान ७ काठमाडौंको बाँसबारीस्थित शहीद गंगालाल राष्ट्रिय हृदय केन्द्रमा भर्ना गरिएको हो ।
दम र ग्याष्ट्रीकबाट पीडित पौडेलको छाती दुखेपछि मुटुको परीक्षणका लागि अस्पताल लगिएको राष्ट्रपति कार्यालयले जनाएको छ ।
उहाँलाई अस्पतालको भीआईपीतर्फ ६ नम्बर क्याबिनको २५४ नम्बर बेडमा राखेर उपचार थालिएको अस्पताल श्रोतले जनाएको छ। यसअघि शनिबार पनि उहाँको गंगालालमै स्वास्थ्य परीक्षण गरिएको थियो ।
गंगालालका निर्देशक डा. चन्द्रमणि अधिकारीसहितको टोलीले राष्ट्रपति पौडेलको स्वास्थ्य परीक्षण गरिरहेका छन् ।
उहाँको एनजिओग्राम गरिएको छ । जसमा सुरुवाती रिपोर्ट राम्रो आएको बताइएको छ ।
एनजिओग्राम गरेपछि २४ घण्टा अब्जरभेशनमा राख्नुपर्ने भएकाले पौडेललाई बुधबार मात्रै डिस्चार्ज गरिने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच