नवलपरासी । पश्चिम नवलपरासीमा जिल्ला खानेपानी महासंघले खानेपानी तथा सरसफाई डिभिजन कार्यालयको पुर्नस्थापनाको माग गरेको छ ।
खानेपानी तथा सरसफाई उपभोक्ता महासङ्घ नवलपरासीका अध्यक्ष देबिदत्त सापकोटाको नेतृत्वमा रहेको टोलीले लुम्बिनी प्रदेशका खानेपानी मन्त्री भुमिश्वर ढकाललाई ज्ञापन पत्र बुझाएको छ । २०४५ साल देखी जिल्लामा रहेको डिभिजन कार्यालयले काम गर्दै आइरहेकोमा २०७५ साल देखी जिल्ला कार्यालयको सेवा बन्द भएको छ ।
जिल्लाको कार्यालय बन्द भए पछि बुटवल योगिकुटीमा रहेको डिभिजनबाट नवलपरासीका खानेपानी संस्थालाई हेर्दै आइरहेको छ । स-साना कामका लागि पनि रुपन्देही र दाङ धाउन पर्ने बाध्यता रहेको बताउँदै जिल्ला अध्यक्ष सापकोटाले खानेपानी डिभिजन कार्यालय जिल्लामा आवश्यक रहेको बताउनु भयो । " अहिले प्रदेश सरकार मातहत खानेपानी आएको, स-साना कार्य र योजनाका लागि रुपन्देही वा दाङ (मन्त्रालय) धाउनु परिरहेको छ जसले गर्दा जिल्लामा सञ्चालित खानेपानी तथा सरसफाईका कार्यक्रमहरु पुर्ण रुपमा प्रभावित भएका छ्न ।" अध्यक्ष सापकोटाले भन्नुभयो ।
डिभिजन कार्यालय जिल्लामा नहुँदा जिल्ला भरिका करिव ८५ वटा सम्पन्न आयोजनाहरु सेवा बिहिन भएको सापकोटाको भनाइ छ । हाल जिल्ला बाट सञ्चालित खानेपानी सरसफाई उपभोक्ता संस्थाहरुबाट २९ हजार घरपरिवारले पानी पिउनु भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच