काठमाडौं । राष्ट्रपति रामचन्द्र पौडेलले नेपाली राष्ट्रिय क्रिकेट खेलाडीलाई बधाई दिनुभएको छ । शुक्रबार शीतलनिवासमा बोलाएर राष्ट्रपति पौडेलले नेपाली राष्ट्रिय क्रिकेट खेलाडीलाई बधाई दिनुभएको हो । कार्यक्रममा राष्ट्रपति पौडेलले विश्वकप छनोटमा पुग्ने क्रममा नेपाली टोलीले निकै राम्रो खेल खेलेको बताउनुभयो । सबै कुराको पूर्वाधारको कमी हुँदा पनि सफलता प्राप्त हुनु ठूलो कुरा भएको उहाँले बताउनुभयो ।
राष्ट्रपति पौडेलले नेपाली क्रिकेट क्षेत्रलाई उपेक्षा गर्न नहुने भन्दै राष्ट्रको शान राख्नका लागि खेल क्षेत्रको पूर्वाधारका साथै खेलाडीहरूलाई प्रोत्साहित गर्नुपर्ने धारणा रााख्नुभयो ।
नेपालको जितले सबै नेपाली गौरवान्वित रहेको र राष्ट्रले खुसियाली मनाएको उहाँको भनाइ छ । उहाँले विश्व मञ्चमा नेपालले उत्कृष्ट प्रदर्शन गर्ने विश्वास व्यक्त गर्नुभयो । बिहीबार नेपालले संयुक्त अरब इमिरेट्स (युएई)लाई नौ रनले पराजित गर्दै विश्वकप छनोटमा पुग्न सफल भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच