काठमाडौं । जयकुमार नाथ साह मेमोरियल यू-१६ अन्तरविद्यालय क्रिकेट प्रतियोगिताको आठौँ दिन बुधबार भएको खेलमा एलआरआई स्कुल विजयी भएको छ । मूलपानी क्रिकेट मैदानमा भएको खेलमा एलआरआई ३ विकेटले विजयी भएको हो ।
पहिले ब्याटिङ गरेको रत्नराज्य स्कुलले १७.३ ओभरमा १० विकेट गुमाएर मात्र ७८ रन बनाएको थियो । ७९ रनको लक्ष्य पछ्याएको एलआरआईले १४.१ ओभरमा ७ विकेट गुमाएर लक्ष्य हासिल गरेको थियो । एलआरआई स्कुलका श्रेयस अवस्थी खेलको म्यान अफ दि म्याच घोषित हुनुभयो । यस्तै बुधबार मोक्क्षदा स्कुल र नेक्सस इन्टरनेशनल एकेडेमीले अंक बाडेका छन् । बर्षाले खेल रोकिएपछि दुबै टोलीले एक–एक अंक बाडेका हुन् ।
काठमाडौं जिल्ला क्रिकेट संघको आयोजनामा भइरहेको प्रतियोगितामा १६ टिमबीच प्रतिस्पर्धा भइरहेको छ । सहभागी टिमलाई चार समूहमा विभाजन गरी लिग कम नकआउट आधारमा खेल खेलाइँदैछ । विजेताले एक लाख ५० हजार तथा उपविजेताले ७५ हजार नगद पुरस्कार प्राप्त गर्नेछन् । उत्कृष्ट ब्याट्सम्यान, बलर र उदीयमान खेलाडीलाई जनही पाँच हजार नगद पुरस्कार प्रदान गरिनेछ । सर्वोत्कृष्ट खेलाडीलाई १० हजार नगदसहित गिफ्ट हृयाम्पर दिइनेछ । प्रत्येक खेलको ‘प्लेयर अफ दि म्याच’ ले एक हजार नगदसहित गिफ्ट हृयाम्पर पाउनेछन् ।
मुख्य प्रायोजकमा स्व. जयकुमार नाथ शाहका परिवार छन् । जम्मा २७ खेल हुने प्रतियोगिताका खेलहरू मूलपानीका दुवै क्रिकेट मैदानमा खेलाइँदैछ । वैशाख ३० गतेसम्म चल्ने प्रतियोगिता सञ्चालन गर्न करिब १५ लाख २६ हजार पाँच सय रुपैयाँ खर्च हुने आयोजकको अनुमान छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच