काठमाडौं । उपराष्ट्रपतिका उम्मेदवारबारे छलफल गर्न नौदलीय गठबन्धनको बैठक बालुवाटारमा जारी छ ।
नेकपा माओवादी केन्द्रका अध्यक्षसमेत रहेका प्रधानमन्त्री पुुष्पकमल दाहाल ‘प्रचण्ड’को सचिवालयका अनुसार बैठक प्रधानमन्त्रीको सरकारी निवासमा बिहान साढे ८ बजेदेखि बसिरहेको हो ।
बैठकमा नौ दलीय गठबन्धनमा आबद्ध दलका शीर्ष नेताहरू सहभागी छन्। बैठकले गठबन्धनको तर्फबाट उपराष्ट्रपतिको साझा उम्मेदवार चयन गर्नेछ । उपराष्ट्रपति पदमा जसपा, नागरिक उन्मुक्ति पार्टी र जनमत पार्टीले दाबी गरेका छन् ।
आगामी चैत ३ गते हुने उपराष्ट्रपतिको निर्वाचनका लागि शनिवार नै उम्मेदवारहरुले मनोनयनपत्र दर्ता गर्ने कार्यक्रम रहेको छ। यद्यपि, सत्ता साझेदार दलले भने उम्मेदवारको टुंगो लगाउन सकेका छैनन्।
मनोनयनपत्र दर्ताको समय बिहान ९ देखि दिउँसो २ बजेसम्म तोकिएको छ। नयाँ बानेश्वरस्थित संसद् भवनको ल्होत्से हलमा मनोनयनपत्र दर्ताको कार्यक्रम सञ्चालन हुनेछ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच