सर्लाही । चर्को गर्मी भएपछि पोखरीमा नुहाउन पसेका चन्द्रनगर गापा( २ निवासी एक बालकको डुबेर मृत्यु भएको छ ।
वडा नम्बर २ बबरगंज स्थित मुसहरी टोला निवासी गणेश महतोको छोरा ६ वर्षिय अनुष महतोको शुक्रबार दिउँसो पोखरीमा डुबेर मृत्यु भएको हो । चर्को गर्मी भएकाले घर छेउमै रहेको पोखरीमा अनुष सहित उनकी बहिनी लगायत गाउँका ९/१० जना बालबालिका दिउँसो पौडी खेल्न पसेको स्थानीयले जनाएका छन् ।
करिब ३ बजेतिर अनुष डुबेको र गाउँलेहरुले बाहिर निकाल्दा मृत्यु भईसकेको प्रहरीले जनाएको छ । मृतक अनुषका बुबा वैदेशिक रोजगारीमा रहेका र आमा लगायत परिवारका अन्य सदस्यहरु समेत घरबाहिर काममा गएको बेला उनीहरु पौडी खेल्न पोखरीमा पसेका हुन् ।
आफूहरुलाई दिउँसो साँढे तीन बजे बालक डुबेको खबर प्राप्त भएको ईलाका प्रहरी कार्यालय ईश्वरपुरका प्रहरी निरीक्षक लक्ष्मण केसीले जानकारी दिनुभयो । हाल घटनास्थल प्रकृति मुचुल्का लगायत प्रकृया पूरा गरेर बालकको शव पोष्टमार्टमका लागि सदरमुकाम मलंगवा स्थित प्रादेशिक अस्पताल पठाउने तयारी भईरहेको प्रहरी निरीक्षक केसीले बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच