काठमाडौं । आइएमई लाइफ इन्स्योरेन्स नेपालको बीमा क्षेत्रमा पहिलोपटक प्रिमियममा आइपिओ निष्कासन गर्ने कम्पनी भएको छ । नेपाल धितोपत्र बोर्डले स्वीकृति दिएसँगै प्रतिकित्ता २३६.९१ मा कम्पनीले जारी पुँजीको ३० प्रतिशतले हुने एक करोड २० लाख कित्ता सेयर सर्वसाधारणका लागि जारी गर्ने भएको हो । कम्पनीको सेयर निष्कासन तथा बिक्री प्रबन्धक सिभिल क्यापिटल लिमिटेड रहेको छ । आइपिओ निष्कासनका लागि गरिएको रेटिङमा केयर रेटिङ नेपालले कम्पनीलाई केयर ट्रिपल बी इस्युअर रेटिङ प्रदान गरेको छ ।
चालु आर्थिक वर्षको तेस्रो त्रैमाससम्म कम्पनीले दुई अर्ब ९८ करोड ५८ लाख कुल बीमा शुल्क आर्जन गरेकोमा दुई अर्ब ८९ करोड चार लाख खुद बीमा शुल्क आर्जन गरेको छ । कम्पनीको चुक्ता पुँजी दुई अर्ब ८० करोड रुपैयाँ रहेको छ भने सो अवधिसम्ममा जगेडा कोषमा एक अर्ब १० करोड पाँच लाख सञ्चिति रहेको छ ।
जीवन बीमा कोषमा छ अर्ब सात करोड ७३ लाख रुपैयाँ रहेको र दीर्घकालीन लगानी तथा कर्जा आठ अर्ब चार करोड ७१ लाख रुपैयाँ रहेको कम्पनीले जनाएको छ । तेस्रो त्रैमाससम्ममा कम्पनीको खुद नाफा १८ करोड २४ लाख रुपैयाँ रहेको बताइएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच