काठमाडौं । नेपाली काङ्ग्रेस स्याङ्जाका सभापति तथा सङ्घीय सांसद राजु थापाले एमाले अध्यक्ष केपी शर्मा ओलीको भाषण पट्यार लाग्लो भएको बताउनु भएको छ ।
प्रतिनिधि सभाको २०८०/८१ को बजेटमाथिको छलफलमा आज बोल्दै उहाँले एमाले अध्यक्ष ओलीले संसदमा २ घण्टा पट्यारलाग्दो भाषण गरेर नेपालको संसदीय इतिहासमा कीर्तिमानी राखेको तथा विश्वकै संसदीय अभ्यासमा पनि कीर्तिमानी राख्नसक्ने बताउनुभएको छ ।
बजेटमाथिको छलफलका क्रममा थापाले बजेट यथार्थ धरातलमा आएको, बजेट सकारात्मक भएको, बजेटले निजी क्षेत्रलाई उत्साहित बनाएको, बजेटले युवाहरूलाई समेटेको बताउनुभएको छ ।
उहाँले भन्नुभयो 'साधारण चालु खर्च ६५ प्रतिशत र विकास खर्च १७ प्रतिशत हुनुले हाम्रो यथार्थ धरातल बताएको छ ।'
उहाँले बजेटको कार्यान्वयन सधैं चुनौतीपूर्ण भएको बताउँदै यसमा राष्ट्रसेवक कर्मचारी, नागरिक समाज, राजनैतिक दलका नेता लगायत सबै पक्षको सहयोग आवश्यक रहेको बताउनुभयो ।
सांसद थापाले संसदीय क्षेत्र पूर्वाधार विकास कार्यक्रमको समर्थन गर्दै भन्नुभयो, 'यो ५ करोड सांसदले कुनै घर बनाउन लगेको होइन । जनताको तटबन्ध, बाटो, स्वास्थ्य, कृषि उत्पादनसँग जोडिएका समस्या समाधानका लागि यो बजेट हो । जनताको भावनाहरूलाई मल्हमपट्टी लगाउने प्रयास गरिएको हो । यसले बजेटको दुरुयोग हुँदैन । नेपाल सरकारको खरिद ऐनमा टेकेर काम हुनेछ । निर्वाचन क्षेत्र पूर्वाधार कार्यक्रम राम्रो छ ।'
स्थानीय तहका प्रमुखले सांसदलाई वडाध्यक्षको संज्ञा दिएको भन्दै सांसद आम नागरिकको वडाध्यक्ष भएकाले निर्वाचन क्षेत्र पूर्वाधार कार्यक्रमको आलोचना गर्नुको कुनै अर्थ नभएको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच