म्याग्दी । राजश्व संकलनलाई पारदर्शी र व्यवस्थित बनाउन म्याग्दीको अन्नपूर्ण गाउँपालिकाले अनलाइनमार्फत राजश्व संकलन कार्य सुरु गरेको छ ।
अनलाइन मार्फत् राजश्व सङ्कलन कार्यक्रमलाई कार्यान्वयनमा ल्याउनका लागि गाउँपालिकाले राजश्व शाखाका प्रमुख नविन भट्टलाई तालिम लिइ पठाएको थियो । उहाँले तालिम लिएर आएपछि वडा सचिव र गाउँपालिकाका अन्य कर्मचारीहरुलाई समेत आधारभूत तहको तालिम प्रदान गरेपछि गाउँपालिकाले अनलाइनमार्फत् राजश्व संकलन गर्न सुरु गरेको हो ।
महालेखा परिक्षकको कार्यालयले लेखा व्यवस्थापनमा प्रयोगमा ल्याएको सुत्र सफ्टवेयरकै उपयोग गरेर अन्नपूर्णले गाउँपालिका र वडा कार्यालयहरु मार्फत् संकलन हुने राजश्व अनलाइन मार्फत् सङ्कलन गर्न सुरु गरिएको गाउँपालिकाका प्रमुख प्रशासकीय अधिकृत अमृत सुवेदीले जानकारी दिनुभयो ।
प्रमुख प्रशासकीय अधिकृत सुवेदीकाअनुसार मंगलवारदेखि गाउँपालिकाले सुत्र सफ्टवेयरमा रहेको रेभिन्यु मोडलमा आधारित रहेर कम्प्युटर प्रणालीबाट राजश्व सङ्कलन गर्न सुरु गरेको हो । मंगलवार (असार १९ गते ) सम्म रु १ करोड ४५ लाख राजश्व संकलन भएको उहाँले जानकारी दिनुभयो । उहाँका अनुसार, गाउँपालिका र वडाबाट सङ्कलन हुने राजश्वमा हस्तलिखित रसिद पूर्ण रुपमा हटाइएको छ ।
गाउँपालिकाले अनलाइन मार्फत राजश्व सङ्कलन सुरु गरेसंगै गाउँपालिकाको राजश्व संकलन एकद्धार प्रणालीमा गएको छ भने राजश्वको अवस्था र प्रतिवेदन समेत व्यवस्थित हुने गाउँपालिकाले जनाएको छ ।
गाउँपालिकाले अब छिटै नै वडा सचिवहरुलाई कम्प्युटरमा आधारित राजश्व संकलन र व्यवस्थापन सम्बन्धमा पुनः दोस्रो चरणको तालिम प्रदान गर्ने जनाएको छ ।
Like
Love
Happy
Surprised
Sad
Excited
Angry
नेपाल एसीसी प्रिमियर कप क्रिकेट
विपद् प्रतिकार्यमा विपक्षी दलहरु सरकारसँगै
भोटेकोशी बाढीपछि सरकारको राहत-उद्धार कार्यबारे
न्यायाधीश रेग्मी र अख्तियार प्रमुख
उद्योग वाणिज्य तथा आपूर्तिमन्त्री गौरीकुमारी
कानुनमन्त्रीलाई कारबाही गर्न राष्ट्रिय सभाका