काठमाडौं । मध्यक्रमका भरपर्दा ब्याटर आरिफ शेखले यसै साताबाट श्रीलंकामा हुने एसिसी इमर्जिङ टिम्स एसिया कप नखेल्ने हुनुभएको छ । पारिवारिक कारणले आफूले नखेल्ने भएपछि उहाँको स्थानमा पवन सर्राफलाई टोलीमा बोलाइएको छ । आरिफ नखेल्ने भएपछि नेपाली मध्यक्रममा समस्या देखिन सक्छ । उहाँले ४७ ओडिआई खेलमा ६ अर्धशतकसहित ८७८ रन बनाउनुभएको छ । पवन १० महिनापछि नेपाली टोलीमा फर्किनुभएको हो । गत वर्ष भदौमा केन्या भ्रमणमा कमजोर प्रदर्शनपछि पवन टोलीमा हुनुहुन्नथ्यो । पवन स्पिनसँगै तल्लोक्रममा राम्रो ब्याटिङ गर्नुहुन्छ । पवनले नेपालबाट आठ ओडिआई र १७ टी-२० आई खेल खेल्नुभएको छ ।
नेपाल क्रिकेट संघले घोषणा गरेको टोलीमा अनुभवी खेलाडीद्वय ज्ञानेन्द्र मल्ल र करण केसीलाई पनि विश्राम दिइएको छ भने लामो समयपछि युवा ब्याटर देव खनालले पुनरागमन गर्नुभएको छ ।
रोहित पौडेलको कप्तानीमा घोषणा गरिएको टोलीमा दीपेन्द्रसिंह ऐरी र सन्दीप लामिछाने पनि हुनुहुन्न । दुवैजना क्यानडा टी-२० लिगमा सहभागिता जनाउन जाने भएकाले टोलीमा नहुनुभएको हो ।
युवा ब्याटर देव खनालले नेपाली क्रिकेट टोलीमा १० महिनापछि टोलीमा पुनरागमन गर्नुभएको हो । देव पछिल्लोपटक नेपालको टोलीमा गत वर्ष भदौमा केन्या भ्रमणमा हुनुहुन्थ्यो ।
उहाँको कप्तानीमा नेपालले यसै वर्ष आठ वर्षपछि यू-१९ विश्वकपमा स्थान बनाएको थियो । देवले नेपालबाट १० ओडिआई खेलमा दुई अर्धशतकसहित कुल २ सय ५३ रन बनाउनुभएको छ । उहाँले २०२२ मा पपुवा न्युगिनीविरुद्ध पहिलो ओडिआई खेलबाट सिनियर टोलीमा डेब्यु गर्नुभएको थियो । देवसँगै १६ सदस्यीय टोलीमा सूर्य तामाङ, सन्दीप जोरा र श्याम ढकालले पुनरागमन गर्नुभएको छ ।
नेपालको टोलीमा कुशल भुर्तेल, आसिफ शेख, अर्जुन साउद, रोहित पौडेल (कप्तान), कुशल मल्ल, आरिफ शेख, देव खनाल, गुलशन झा, सोमपाल कामी, भीम सार्की, श्याम ढकाल, प्रतिश जिसी, ललित राजवंशी, किशोर महतो, सन्दीप जोरा र सूर्य तामाङ हुनुहुन्छ ।
प्रतियोगिता १३ जुलाईदेखि २३ जुलाईसम्म श्रीलंकामा हुनेछ । नेपाल, युएई, पाकिस्तान र भारत समूह ‘ए’ मा छन् । त्यस्तै, समूह ‘बी’ मा श्रीलंका, बंगलादेश, अफगानिस्तान र ओमान छन् । पाँच टेस्ट टोलीमा भने यू-२३ को टोली आउनेछन् । एसिएट टोलीले भने आफ्नो पहिलो रोजाइका खेलाडी पठाउनेछन् ।
नेपालले १४ जुलाईमा पाकिस्तान ‘ए’ सँग खेल्नेछ । नेपालले दोस्रो खेल १७ जुलाईमा भारत ‘ए’ सँग खेल्नेछ । नेपालले १९ जुलाईमा युएईसँग खेल्नेछ । यदि शीर्ष दुईमा रहन सके नेपालले २१ जुलाईमा सेमिफाइनल खेल्नेछ । फाइनल २२ जुलाईमा हुनेछ ।
एक सातापछि श्रीलंकामा हुने एसिसी इमर्जिङ टिम्स एसिया कपमा आफ्नो प्रमुख टोली पठाउने नेपाल एकमात्रै देश हुने भएको छ । इमर्जिङ टिम्स एसिया कपमा पाँच टेस्ट र तीन एसोसिएट टोलीको सहभागिता छ ।
टेस्ट टोलीले आफ्नो यू–२३ वर्षमुनिका खेलाडी पठाउने गर्दछन् । नेपालको समूहमा रहेको भारत र पाकिस्तानले पनि यू-२३ खेलाडी घोषणा गरेका छन् । एसोसिएट टोलीमा भने कुनै पनि खेलाडीले खेल्न पाउने गर्दछन् । नेपाल क्रिकेट संघले सोमबार नै खेलाडीहरूको बिदाई समेत गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच