-संजीवकुमार मिश्रा
बारा । प्रहरी ज्यादतीको विरोध गर्दै विगत पाँच दिनदेखि बाराको सदरमुकाम कलैयामा राजनीतिक दलहरुले प्रदर्शन गर्दै आएका छन् ।
नेपाली काँग्रेसको नेतृत्वमा जिल्ला स्थित विभिन्न राजनितिक दलहरुले बाराका प्रहरी नायब उपरिक्षक पुरुषोत्तमप्रसाद पाण्डे र प्रहरी निरीक्षक रुपेश साहलाई निलम्बनको माग गर्दै कलैयामा प्रदर्शन गर्दै आएका हुन् ।
नेपाली काँग्रेसको नेतृत्वमा भइरहेको आन्दोलन प्रति जनता समाजवादी पार्टी, लोकतान्त्रिक समाजवादी पार्टी, नेकपा एकीकृत समाजवादीसहितका राजनीतिक दलहरुले ऐक्यबद्धता जनाउँदै कलैयामा प्रदर्शन गरेका हुन् ।
नेपाली काँग्रेसका जिल्ला सचिव भैयाराम यादव र नेकपा समाजवादीका जिल्ला उपसचिव ध्रुव यादवलाई दुव्र्यवहार र कुटपिट गर्ने प्रहरी नायब उपरिक्षक पुरुषोत्तम पाण्डे र प्रहरी निरीक्षक रुपेश साहलाई निलम्बन नगरिएसम्म आन्दोलन नरोकिने नेपाली काँग्रेस बाराका उपसभापति मनोज भट्टले बताउनु भयो ।
प्रहरी निरीक्षक साहको कुटाईबाट नेपाली काँग्रेस बाराका जिल्ला सचिव भैयाराम यादवको टाउको र ढाडमा चोट लागेर वीरगंजस्थित स्पर्श अस्पतालमा उपचार भइरहेको छ ।
स्पाइनलमा समस्या भएको छ, विरामी भैयाराम यादवले भने,‘स्पाइनलको नशा कुटाईको कारण चेपिएको र यसको अपरेशन गर्नु पर्ने डाक्टरले सल्लाह दिएको छ । यसको राम्रो उपचार दिल्लीमा हुन्छ त्यसै कारण सोमबार दिल्ली जाने तयारी भइसकेको छ । दिल्ली गएर नै चेकजाँच गराउने उहाँले जानकारी दिनुभयो ।
सवारी दुर्घटनाको विषयमा जिल्ला प्रहरी कार्यालयमा छलफल गर्ने क्रममा गएको साउन २ गते नेपाली काँग्रेसका जिल्ला सचिव भैयाराम यादव र नेकपा एकिकृत समाजवादीका जिल्ला उपसचिव ध्रुव यादवलाई प्रहरीले कुटपिट गरेर घाइते बनाएकाे उनीहरुकाे आराेप छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच