काठमाडौं । नेपाल बक्सिङ महासंघले एसियाली खेलकुदमा पदक जित्ने खेलाडीलाई नगद पुरस्कारसहित सम्मान गर्ने निर्णय गरेको छ । महासंघको नवनिर्वाचित कार्यसमिति बैठकले एसियन गेम्समा पदक जित्ने खेलाडीलाई नगद पुरस्कारसहित सम्मान गर्ने घोषणा गरेको हो ।
बैठकले चीनमा हुने एसियन गेम्समा स्वर्ण पदक जित्ने खेलाडीलाई जनही १० लाख, रजत जित्नेलाई ५ लाख र कांस्य पदक जित्ने खेलाडीलाई दुई लाख ५० हजार रुपैयाँ नगद पुरस्कार दिने निर्णय गरेको हो ।
महासंघको कोष वृद्धि गर्न पदाधिकारीबाट १५ हजार र सदस्यबाट १० हजार रुपैयाँ संकलन गर्ने निर्णय गरेको, संस्थाले मासिक रूपमा पदाधिकारीबाट पाँच हजार र सदस्यबाट तीन हजार रुपैयाँ संकलन गर्ने निर्णय गरेको छ ।
यस्तै, बैठकले सातै प्रदेश र विभिन्न जिल्लाबाट संकलन गरी भदौ महिनाभित्र संघको वार्षिक क्यालेण्डरसमेत प्रकाशन गर्ने निर्णय गरेको छ । महासंघले महासचिवको संयोजकत्वमा पाँच सदस्यीय समितिसमेत गठन गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच