इलाम । इलाम नगरपालिकाको पहलमा इलाम सदरमुकामको चियाबगानमा पुनः चियाको बिरुवा रोप्ने कार्य शुरु भएको छ ।
नेपालको इतिहासमा आज भन्दा १६० वर्ष अघि अर्थात वि.सं.१९२० सालमा प्रथम राणा प्रधानमन्त्री जंगबहादुरका ज्वाई गजराज सिंह थापाले इलाममा चियाको बिरुवा रोपेका थिए ।
इलाम सदरमुकाममा चिया रोपणको लामो समयपछि चियाको बोटहरु मरेर खाली भएको जमीनले चियाबारीको सौन्दर्य समेतलाई असर परिरहेको थियो ।
यसै विषयलाई मध्यनजर गरेर इलाम नगरपालिकाको अनुरोधलाई स्विकार गर्दै नेपाल चिया विकास निगमले लिजमा दिएको कम्पनीले खाली भएको जमीनहरुमा पुरानै जातको चियाको करिब ७ हजार विरुवा रोप्ने कार्यको आजबाट शुरुवात भएको इलाम नगर प्रमुख केदार थापाले बताउनुभयो । थापाले भन्नुभयो ,” चिया रोप्ने सुरुवात भएको छ यसले खन्डहर बन्दै गएको चियाबगानलाई पहिलेकै अवस्थामा फर्काउने छ । “
चिया रोपण शुरु गरेका इलामका बडाहाकिम गजरासिंह थापाले विक्रिम सम्बत् १९३५ मा कारखाना स्थापना गरि तयारी चियाको उत्पादन शुरु गरेका थिए । बिक्रम सम्बत् २०५७ सालमा चिया कारखाना र बगान निजीकरण भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच