काठमाडौं । नेपाल सुपर लिग (एनएसएल) को दोस्रो संस्करणका लागि पुनः खेलाडी अक्सन हुने भएको छ । दोस्रोपल्टको अक्सन आगामी असोज १९ गते हुने भएको छ । आयोजक नेपाल स्पोर्ट्स एण्ड इभेन्ट म्यानेजमेन्टका अनुसार अक्सनका लागि असोज ५ गते खेलाडीहरूको नामावली टोलीहरूलाई उपलब्ध गराइने भएको छ ।
मंसिर ८ देखि पुस २१ सम्म आयोजनाका लागि तय भएको दोस्रो संस्करणमा १० टोलीले सहभागिता जनाउँदैछन् । यसअघि पहिलो संस्करणमा सात टोलीको सहभागिता रहे पनि यस सिजनमा तीन टोली थपिएको हो । अघिल्लो वर्ष नै हुनुपर्ने लिग एन्फा, ‘ए’ डिभिजन लिगको विरोधका कारण हुन सकेको थिएन ।
एनएसएलले दोस्रो संस्करणको यसअघि नै अक्सन गरिएको थियो । तर, अधिकांश खेलाडी पलायनका कारण पुनः अक्सन गर्न लागिएको आयोजकले जनाएको छ । अक्सनका लागि आयोजकले असोज ५ गतेसम्म खेलाडी सूची फ्रेन्चाइज टोलीलाई उपलब्ध गराउने भनेको छ ।
एनएसएलमा साबिक विजेता काठमाडौं रेजर्स, उपविजेता धनगढी फुटबल क्लब, पोखरा थन्डर्स, बुटवल लुम्बिनी फुटबल क्लब, ललितपुर फुटबल क्लब, विराटनगर सिटी फुटबल क्लब, फुटबल क्लब चितवन, नयाँ टोली झापा एफसी, स्पोर्टिङ इलाम डे मेची एफसी र वीरगञ्ज युनाइटेड एफसीले खेल्नेछन् ।
यसपालि एनएसएलका खेलहरू उपत्यकाबाहिर पनि खेलाउने तयारी गरिएको छ । लिगमा सहभागी पूर्वका विराटनगर, इलाम र झापाका टोलीहरूको खेल विराटनगरमा गर्ने तयारी गरिएको छ । बाँकी खेलहरू भने दशरथ रंगशालामा हुनेछन् । आयोजकले छिट्टै लिगको खेल तालिका सार्वजनिक गर्ने तयारीसमेत गरेको छ ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर