सर्लाही । सर्लाहीको हरिपूर्वा नगरपालिका र पर्सा गाउँपालिकामा ७ हजार २ सय बालबालिकालाई छाता र पानी बोक्ने बोतल वितरण गरिएको छ ।
बागमती सेवा समाज नेपालले बाल स्पोन्सरशीप परियोजना अन्तर्गत जिल्लाको दक्षिण–पूर्वी भेगमा पर्ने यी दुई पालिकामा सो संख्याका विद्यार्थीलाई छाता र पानी खाने बोतल उपलब्ध गराएको हो ।
संस्थाले बाल स्पोन्सरशीप परियोजना अन्तर्गत हरिपूर्वा र पर्सामा बालबालिकाको शिक्षा तथा स्वास्थ्यको क्षेत्रमा काम गरिरहेको छ ।
आर्थिक अवस्था कमजोर रहेका विद्यालय जान नपाएका बालबालिकालाई जोड दिएर काम गरिरहेको बागमती सेवा समाज नेपालका अध्यक्ष भरतकुमार कार्कीले जानकारी दिनुभयो ।
संस्थाका अध्यक्ष कार्की र वल्र्ड भिजनकी प्रतिनिधि सीता चौधरीको उपस्थितिमा बालबालिकालाई वर्षायाममा विद्यालय जाँदा ओढनका लागि छात र घरबाटै स्वच्छ पानी लैजानका लागि बोतल वितरण गरिएको हो ।
कार्कीका अनुसार यही कार्यक्रममा अहिले व्यापक रुपमा फैलिरहेको आँखा पाक्ने रोगबाट बच्ने उपायका सम्वन्धमा स्वास्थ्यकर्मीबाट अभिमुखीकरण समेत प्रदान गरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच