काठमाडौं । गायक तथा संगीतकार किशोर शिवाकोटीको ‘इलामैको चिया बगान’ बोलको गीतको भिडियो सार्वजनिक गरिएको छ । गायक शिवाकोटी र गायिका बानिका प्रधानको स्वर रहेको सार्वजनिक गीतमा गायक शिवाकोटी स्वयं सर्वजित राई र शिव माप्चनको शब्द सिर्जना रहेको छ । गायक शिवाकोटी स्वयंकै संगीत रहेको सार्वजनिक गीतमा एरेञ्ज पविधन खालिङको छ । त्यस्तै गीतमा मिक्सिङ र मास्टरिङ किशोर थापाको छ ।
भिडियोमा इलामको सुन्दर र रोमाञ्चक दृश्यका अलावा चिया बगानभित्र हुने रमाइला र सुख दुखका दृश्यलाई निर्देशक कमल राईले कलात्मक शैलीमा देखाउनुभएकोछ । भिडियोमा एक प्रेमील जोडीको रोमाञ्चक प्रेम कहानीलाई बुनिएको छ ।
फिल्मी शैलीमा तयार पारिएको इलामको चिया बगानले राईहरूको संस्कृति र स्थानीय परम्परालाई पनि झल्काउने काम गरेको छ । सार्वजनिक भिडियोको छायांकन र सम्पादन योगेश दाहालले गर्नुभएको हो ।
भिडियोमा जंग र नग्माका अलावा रेनुका हुमागाई, दीपक राई, सुष्मा मगर, भरत मगरलगायत कलाकारको अभिनय देख्न सकिन्छ । भिडियो गायक शिवाकोटी स्वयंकै अफिसियल च्यानल के के म्यूजिकमार्फतबाट बजारमा आएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच