काठमाडौं । प्रधानमन्त्री पुष्पकमल दाहाल ‘प्रचण्ड’ले माओवादी सशस्त्र युद्धको गहिरो अध्ययन गरेर चलचित्र बन्नुपर्ने बताउनुभएको छ । चलचित्र ‘जेलब्रेक’को युनिटसँग भेट्दै उहाँले यस्तो बताउनुभएको हो । चलचित्र युनिटले प्रधानमन्त्री निवास बालुवाटार पुगेर उहाँलाई भेट गरेका थिए । भेटमा चलचित्र युनिटको तर्फबाट निर्माता छविराज ओझा, निर्देशक ज्ञानेन्द्र देउजा, नेकपा (विप्लव समूह)की नेतृ उमा भुजेल र चलचित्र लेखक विकास सुवेदी सहभागी हुनुहुन्थ्यो ।
दशक लामो सशस्त्र द्वन्द्वको घटनामाथि चलचित्र बनाउन अनुसन्धान लेखनको काम चलिरहेकाले रिसर्चका लागि प्रचण्डलाई भेटेको लेखक सुवेदीले बताउनुभयो । ‘उहाँ जनयुद्धको कमाण्डर भएकाले उहाँसँग जोडिएको कुरा बुझ्न पुगेका थियौ’, सुवेदीले भन्नुभयो, ‘सो अवसरमा चलचित्रका विभिन्न विषयमा पनि कुराकानी भयो ।’
तत्कालीन माओवादी लडाकुसमेत रहनुभएकी उमा भुजेलले गोर्खा जेल ब्रेकको घटनाबारे लेखेको पुस्तकमाथि चलचित्र बन्न लागेको हो । चलचित्रलाई देउजाले निर्देशन गर्दैहुनुहुन्छ । चलचित्रको लेखन सकिएपछि कलाकार छनौट हुनेछ । चलचित्रमा नयाँ तथा पुराना कलाकार रहने जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच