![युगकविको जन्मजयन्तीमा सिर्जना र योगदानको चर्चा](https://ehimalayatimes.com/wp-content/uploads/2024/05/yugkabi.jpg)
काठमाडौं । गीतकार संघ नेपालले आफ्नो स्थापना दिवस जेठ १४ गतेको अवसर पारेर प्रतिष्ठित गीतकार डा. भोला रिजाललाई ‘अमर भावना राष्ट्रिय स्रष्टा सम्मान-२०८०’ अर्पण गर्न लागेको छ । संघले एक प्रेस विज्ञप्ति जारी गर्दै एक लाख ५१ हजार राशिसहितको यो सम्मान अर्पण गर्ने जनाएको हो । यो पुरस्कार गीतकार अम्बर वान्तुले स्थापना गर्नुभएको हो ।
त्यसैगरी अमेरिकामा कार्यरत पद्मा लिंखा मगरलाई डायस्पोरा गीतकार सम्मान प्रदान गरिने भएको छ । गीतकार मगरलाई १५ हजार राशिसहितको सम्मान प्रदान गरिनेछ । त्यस्तै, विष्णु मन्सरा घले मातृभाषा गीतकार सम्मान जनकपुर निवासी अशोक दत्तलाई प्रदान गरिने भएको छ । गीतकार दत्तलाई २५ हजार २५२ नगद राशिसहित सम्मान प्रदान गरिने संघले जनाएको छ ।
त्यस्तै, २०८० मा प्रकाशित भएको दश गीतबाट एक गीतलाई वर्ष गीत पुरस्कार प्रदान गरिने जनाइएको छ । ५७ हजार नगद राशि रहेको ‘भैरवनाथ रिमाल (कदम) वर्ष गीत पुरस्कारका लागि दश गीतकारहरूको नामावली छनोट गरिएको छ । यी दशमध्येबाट एकजनाले उक्त पुरस्कार प्राप्त गर्नेछन् । जसमध्ये मदन माबोको ‘आमा’, विष्णु भण्डारीको ‘चाहना हो’, डा. ओमकृष्ण प्रसाईंको ‘पिता’, ध्रुव खनालको ‘रानी तालको’, ज्ञानप्रसाद भट्टराईको ‘माटोको माया’, सियरा आचार्यको ‘तिमीलाई’, किसन सुवेदीको ‘मुटु रेटियो’, सविता पोखरेलको ‘एक चिम्टी सिन्दुर’, डा. विष्णुमूर्ति भट्टराईको ‘मुटुमै घाउ’ र शान्तिराम भट्टराईको ‘नजरको वाण’ गीत छन् ।
त्यसैगरी तीनवटा गीतका पुस्तक पुरस्कारका लागि छनोट भएका छन् । जसमा पूर्णबहादुर साउद ‘शिरीष’को ‘आधा आधी’, जनक वाग्लेको ‘मैना चरी कहाँ गई’ र अगम विकरालको ‘यादको मुच्र्छना’ चयन भएका छन् । यीमध्येबाट एकजनालाई ‘जगत् मर्दन थापा वर्ष गीत पुस्तक पुरस्कार’ नगद ५७ हजार राशिसहित प्रदान गरिने संघले जनाएको छ ।
यही जेठ १४ गते सोमबार संघको स्थापना दिवसको अवसर पारेर उक्त सम्मान तथा पुरस्कार अर्पण गरिने भएको छ । कार्यक्रम राष्ट्रिय नाचघर जमलमा आयोजना गरिने संघका अध्यक्ष वसन्त वित्यासी थापाले जानकारी गराउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच