विराटनगर । नेकपा (एमाले) का अध्यक्ष केपी शर्मा ओलीले सत्ता गठबन्धनले धार्मिक र साम्प्रदायिक सद्भाव बिथोल्ने प्रयास गरिरहेको आरोप लगाउनु भएको छ ।
विराटनगर विमानस्थलमा शुक्रबार सञ्चारकर्मीसँग कुरा गर्दै एमाले अध्यक्ष ओलीले सद्भाव बिथोल्ने र द्वन्द्व मच्याउने क्रियाकलापमा गठबन्धनका कार्यकर्ता लागिपरेको आरोप लगाउनु भयो । उहाँले भन्नुभयो, ‘सत्ता गठबन्धनबाहेक अरु कसैले यस्तो क्रियाकलाप गर्नै सक्दैन ।’
सुनसरीको धरानमा पछिल्लो समय देखिएको धार्मिक द्वन्द्व र साम्प्रदायिक सद्भाव भड्काएर नेपालमा अस्थिरताको परिस्थिति निर्माण गराउने प्रयास सत्ता गठबन्धनबाट भइरहेको उहाँले आरोप लगाउनु भयो ।
साथै ओलीले सत्ता गठबन्धनको अलोकतान्त्रिक र असंवैधानिक क्रियाकलापका कारण कोशीमा अस्थिरता भएको बताउनु भयो । सत्ता पक्षले नबनेको सरकार बन्यो भन्ने, सभामुखलाई राजीनामा गर्न लगाउने जस्ता काम गरेको भन्दै उहाँले भन्नुभयो, ‘कांग्रेस जस्तो पुरानो पार्टीले एकछिनका लागि बलजफ्ती गरेको, संविधान मिच्ने ? माओवादी पार्टी भनेको संविधान नमानेर र हतियार उठाएर हिँडेको हो । उसले संविधान मानेन भन्नु कुनै अनौठो हैन ।’
उहाँले कोशी प्रदेशमा अब एमाले नेतृत्वको सरकार बन्ने र त्यसले मजाले सरकार चलाउने पनि बताउनु भयो ।
अहिले एमालेको ध्यान सरकारमा नभएर देशमा राजनीतिक स्थिरता, स्थायित्व, सुशासन, आर्थिक विकास तथा भ्रष्टाचार र तस्करी नियन्त्रणमा केन्द्रित रहेको उनको दाबी थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच