-सरोज निरौला
उदयपुर । उदयपुरको त्रियुगा नगरपालिकाले स्थानीय पाठ्यपुस्तक तयार पारी विद्यालयलाई वितरण सुरू गरेको छ ।
नगरभित्रका १६ वटै वडालाई समेटेर ऐतिहासिक, धार्मिक, सामाजिक, सांस्कृतिक, स्थानीय सीप र प्रविधि, पुशपालन र अन्य विविधि विषयहरूलाई समावेश गरी एकसय पूर्णाङ्कको तयार पारेकाे पुस्तक वितरण शुरु गरिएको हाे ।
विद्यार्थीलाई स्थानीय विषयबस्तुका बारेमा जानकारी गराउने उद्देश्यले यसै शैक्षिक सत्रदेखि नगरभित्रका संस्थागत र समुदायिक विद्यालयमा नियमित पठनपाठन हुने गरी नगरपालिका भित्रको सम्रग विषयबस्तुलाई समेटेर कक्षा १ देखी ५ सम्मका लागि ‘त्रियुगा ज्ञानमाला’ नामको पुस्तक विद्यालयमा वितरण सुरू गरिएको हो ।
शिक्षाको गुणस्तर वृद्धिगरी सामुदायिक र संस्थागत विद्यालयबिच देखिएको शैक्षिक उपलब्धिको फरकलाई कम गदै लैजान तथा विद्यार्थीलाई आफ्नै गाउँठाउको चिनारी गराउने उद्देश्यले तयार पारिएको पुस्तकले विद्यार्थीलाई आर्कषित गर्ने नगर प्रमुख बसन्त कुमार बस्नेतले बताउनुभयाे ।
उहाँले विद्यार्थीमा आफ्नो क्षेत्रका बारेमा ज्ञान आर्जन गर्ने तथा अपनत्व हुनेगरी स्थानीय ज्ञान, सिप र प्रविधिलाई समेटी स्थानीय पाठ्यक्रम तयार पारिएको पनि बताउनुभयाे ।
नगरपालिकाका प्रमुख बस्नेत, उपप्रमुख महेश्वरी राई, शिक्षा शाखा प्रमुख शिव कुमारी राउत, नगर शिक्षा समितिका सदस्य तथा वडा नं ३ अध्यक्ष तिलक कटुवाल, वडा नं ४ का वडा अध्यक्ष बद्रि बस्नेतलगायतको उपस्थितिमा त्रियुगा नगरपालिका-४ बगाहामा रहेको शिवशक्ती आधारभूत विद्यालयबाट पुस्तक वितरण शुरु गरिएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच