पाल्पा । पाल्पाको तानसेन नगरपालिका–१४ अर्गेलीमा मोटरसाइकल दुर्घटना हुँदा मोटरसाइकल चालकको मृत्यु भएको छ । सोमबार विहान साढे १ बजे भएको दुर्घटनामा चालक सल्यान कालीमाटी गाउँपालिका–२ का ३० वर्षीय नरेश घर्ती मगरको मृत्यु भएको हो ।
दुर्घटनामा घाइते भएका मगरको उपचारका क्रममा तानसेनस्थित युनाइटेड मिसन अस्पतालमा मृत्यु भएको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिनुभयो ।
अर्गेली पुरानो गाउँस्थित तानसेन–तम्घास सडक खण्डमा जोर्तेदेखि अर्गलीतर्फ जाँदै गरेको लु ४२ प ६७०९ नम्बरको मोटरसाइकल भित्तामा ठोक्किएर दुर्घटना भएको हो ।
दुर्घटनामा मोटरसाइकलमा पछाडी सवार अर्का एक जना घाइते भएका छन् । घाइते हुनेमा नवलपरासी पश्चिम श्ररावल गाउँपालिका–१ का २८ वर्षीय ओम प्रकाश थारु रहेको जिल्ला प्रहरी कार्यालयले जनाएको छ ।
घाइते थारुको मिसन अस्पतालमा उपचार पछि सिटी स्क्यानका लागि लुम्बिनी मेडिकल कलेज प्रभास पठाइएको छ । उनको शरिरका विभिन्न भागमा चोट लागेको प्रहरीले जनाएको छ । थारुको अवस्था भने सामन्य रहेको अस्पतालले जनाएको छ ।
दुर्घटनाको विषयमा थप अनुसन्धान भईरहेको प्रहरी नायव उपरीक्षक वीरेन्द्र थापाले जानकारी दिनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच