काठमाडौं । नेकपा समाजवादी पार्टीका अध्यक्ष एवं पूर्वप्रधानमन्त्री डा. बाबुराम भट्टराईले भ्रष्टाचार र अनियमततामा अनगिन्ती कीर्तिमान खडा गरेर राजनीतिक दलहरू फेरि जनतामाझ भ्रम छर्न हिँडेको टिप्पणी गर्नुभएको छ ।
माओवादी केन्द्रले ‘जनतासँग माओवादी अभियान’ शुरु गरेको भोलिपल्ट आज बिहान सामाजिक सञ्जालमा उहाँले राजनीतिक आदर्श र मूल्यमान्यताबाट च्यूत भएकाहरू गोहीको आँसु बगाएर पुनः जनतामा भ्रम छर्न लागिपरेको बताउनु भयो।
हिजाे मात्र माओवादी केन्द्रले तीन महिने अभियान सुरु गरेको थियो । ‘‘जनतासँग माओवादी विशेष रूपान्तरण अभियान’’ मार्फत उसले देशभरका सबै जनताको घरघरमा रुपान्तरण अभियान लिएर जाने बताइरहँदा पूर्वमाओवादी समेत रहनुभएको भट्टराईको उक्त टिप्पणी आएको हो ।
केही पुराना दल र नेता राज्यसत्ताको चरम दोहन–भागबण्डा,कमिसनखोरी,शक्तिकेन्द्रहरूको दलाली,आसेपासेहरूको घिनलाग्दो जालो निर्माण, विचार–आदर्श–मूल्यमान्यता–नैतिकताबाट पूरै स्खलन भएको बताउँदै उहाँले तडकभडक र विलासिता लगायतका दुष्कर्मका अनगिन्ति कीर्तिमान खडा गरेर अहिले फेरि गोहीका आँसु र फोस्रा गफ सहित जनतामा भ्रम छर्न हिड्नु उस्तै उस्तै भएन र ? भनेर प्रश्न समेत गर्नुभएको छ ।
सयवटा मुसा खाएर बिरालो तीर्थयात्रामा हिंडेथ्यो रे! केही पुराना दल र नेता राज्यसत्ताको चरम दोहन/भागबण्डा,कमिसनखोरी,शक्तिकेन्द्रहरूको दलाली,आसेपासेहरूको घिनलाग्दो जालो निर्माण,विचार-आदर्श-मूल्यमान्यता-नैतिकताबाट पूरै स्खलन, तडकभडक र विलासिता लगायतका दुष्कर्मका अनगिन्ति कीर्तिमान…
— Baburam Bhattarai (@brb1954) September 3, 2023
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच