पाँचथर । जिल्ला प्रहरी कार्यालय पाँचथरले लागु औषध कसुर र लामो समयदेखि फरार रहेका चार जना अभियुक्तहरुलाई पक्राउ गरेको छ ।
लागू औषध कसुरमा फरार अभियुक्त पाँचथरको फिदिम नगरपालिका वडा न. १० याङनाम घर भई फिदिम बजारमा बस्ने २६ वर्षिय संगम थाम्सुहाङ र यस्तै फिदिम नगरपालिका वडा न. ८ घर भएका फिदिम बजारमा बसोबास गर्दै आएका संजय नेम्बाङलाई प्रहरीले पक्राउ गरेको हो ।
थाम्सुहाङलाई आफ्नै घरबाट र नेम्बाङलाई फिदिम ४ गढीका डेबिड लिम्बुको घरबाट पक्राउ गरिएको जिल्ला प्रहरी कार्यालय पाँचथरका प्रहरी निरीक्षक तथा सूचना अधिकारी शोभित कुसहवाले जानकारी दिनुभयो ।
पक्राउ परेका उनीहरुलाई आवश्यक कारवाही प्रक्रिया अघि बढाईएको कुसहवाले बताउनुभयो । थाम्सुहाङ र नेम्वाङ एउटै मुद्दाका फरार प्रतिवादी रहेको प्रहरीले जनाएको छ ।
इलाका प्रहरी कार्यालय काँकडभिट्टा झापाबाट गत ०७९ साउन २ गते १४ ग्राम लागु औषध (ब्राउन सुगर) मुद्धामा फरार रहेका ती दुवै अभियुक्तलाई प्रहरीले पक्राउ गरेको हो ।
यस्तै जिल्ला प्रशासन कार्यालय पाँचथरबाट गत ०७१ वैशाख ४ गते अभद्र ब्यवहार मुद्धामा दश हजार रुपैयाँ जरिवाना भई फरार रहेका ताप्लेजुङ सिनाम ५ घर भई हाल फिदिम बजारमा बसोबास गर्दै आएका विवेक थेवेलाई फिदिम १ शनिबारेबाट पक्राउ गरिएको छ ।
यस्तै जिल्ला प्रशासन कार्यालय पाँचथर बाट गत ०७१ असार १३ गते अभद्र ब्यवहार मुद्धामा ५ हजार जरिवानाको फैसला भई फरार रहेकोमा फिदिम नगरपालिका वडा न. १ बस्ने आशिष यवालाई प्रहरीले पक्राउ गरेको छ ।
पक्राउ परेका उनीहरुलाई थप आवश्यक कारवाही प्रक्रिया अघि बढाइएको प्रहरीले जनाएको छ ।
लागू औषधक कसुर र फरार अभियुक्तहरुलाई शुक्रबार प्रहरीले पक्राउ गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच