भोजपुर । प्रतिभा पहिचान गर्ने उद्देश्यका साथ भोजपुरको हतुवागढी गाउँपालिकाको केन्द्र घोडेटारमा भोजपुर गट ट्यालेन्ट प्रतियोगिताको आयोजना भएको छ । प्रतियोगितामा सोह्र जना छनौट भएका छन् ।
कलाकारहरुको खोजी र नयाँ पुस्तालाई कलाकारिता क्षेत्रमा लाग्न प्रोत्साहन गर्न जिल्लामा भोजपुर गट ट्यालेन्ट नाम दिएर नृत्य तथा गायन प्रतियोगिता आयोजना गरिएको आयोजक डाइमण्ड डान्स क्रु सेन्टरका संचालक सुशन घिमिरेले जानकारी दिनुभयो । पहिलो चरणमा पालिका स्तरीय प्रतियोगिताहरु संचालन हुने छन् । हतुवागढीमा भएको प्रतियोगितामा ३५ जानको सहभागिता रहेको भए पनि १६ जना छनौट भएको आयोजकले जनाएको छ ।
भोजपुर नगरपालिमा संचालित प्रतियोगितामा ६५ जना सहभागि भएकोमा २२ कलाकार छनौट भएका छन् भने टेम्केमैयुङ गाउँपालिकामा २८ जना सहभागी रहेकोमा ११ जना चुनिएका छन् ।
सोक्रममा हतुवागढी गाउँपालिकाका अध्यक्ष प्रेमकुमार राईले कलाकारिता क्षेत्रलाई प्रोत्साहन गर्न आवश्यक रहेको बताउनुभयो । अध्यक्ष राईले पालिका भित्र हुने यस्ता प्रतिभा पहिचानक लगायतका कार्यक्रमहरुमा आगामी दिनमा पनि पालिकाको सहयोग रहने बताउनुभयो ।
भोजपुर फिल्मस प्रालि र डाइमण्ड डान्स क्रु सेन्टरको संयुक्त आयोजनामा छनौट चरणका कार्यक्रमहरु भई रहेका छन । भोजपुरमा २ नगरपालिका र ७ गाउँपालिका छन् । बाँकी रहेका पालिकाहरुको कार्यक्रम चाडै सार्वजनिक गर्ने र उक्त पहिलो चरणको छनौट कार्यक्रम सकिएपछि पाचौ चरणमा कार्यक्रम सम्पन्न हुने आयोजकले जानकारी दिएको छ ।
प्रतियोगितामा प्रथम, दोस्रो र तेस्रो हुनेले ट्रफी, मेडल र प्रमाण पत्रसहित नगद पुरस्कार समेत पाउनेछन् भने नृत्य र गायन एक वर्ष निशुल्करुपमा सिक्न पाउने छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच