रुपन्देही । नेपाली कांग्रेसका नेता डा. शेखर कोइरालाले प्रधानमन्त्री पुष्पकमल दाहाल ’प्रचण्ड’ नेतृत्वको सरकार असफलताको दिशामा गइरहेको बताउनु भएको छ । नेपाली कांग्रेस रूपन्देही क्षेत्र नम्बर ४ को क्षेत्रीय सम्मेलनलाई बिहीबार मायादेवी गाउँपालिका-६ स्थित बेथरीमा सम्बोधन गर्दै डा. कोइरालाले यस्तो बताउनु भएको हो ।
उहाँले वर्तमान सरकार दिन प्रतिदिन आलोचित भइरहेको भन्दै अब धेरै दिन यसरी बस्न नसकिने बताउनुभयाे । कोईरालाले कांग्रेस ९ मन्त्रालयसहित सरकारमा रहे पनि संसदीय व्यवस्थामा प्रधानमन्त्रीले जे भन्यो त्यही हुने बताउनु भयो । उहाँले मुलुकको विकासका लागि कांग्रेस नेतृत्वको सरकार आवश्यक रहेकाे बताउनु भयो।
वर्तमान सरकार सच्चिनु पर्ने कोइरालाको भनाइ छ । प्रधानमन्त्रीले कसको विरुद्ध मानिस सडकमा ल्याउने भन्दै प्रश्न गर्नु भयो । प्रचण्डले दुई महिना भित्र दुई लाख मानिस सडकमा जम्मा गर्ने अभिव्यक्ति दिएको भन्दै उहाँले आपत्ति समेत जनाउनु भयो । डा कोईरालाले भन्नुभयो ‘प्रचण्ड पार्टीको अध्यक्ष मात्र भएको भए मैले यो कुरा स्वीकार्थे, तर उहाँ तपाई हाम्रो प्रधानमन्त्री पनि हुनुहुन्छ । देशको प्रधानमन्त्रीले कसको विरुद्ध मानिस सडकमा ल्याउने ?’
प्रधानमन्त्री प्रचण्डले २०८४ मामाओवादीलाई जिताउ म तपाईंहरूलाई जातीय राज्य दिन्छु भनेको भन्दै आपत्ति जनाउनु भयो ।,
‘हामी जातीय राज्यमा जान सक्दैनौँ । नेपाल बहुभाषिक, बहुजातीय, बहुधार्मिक मुलुकहो । यहाँ कुनै जातजातिको बाहुल्यता छैन । पहिला पनि मुलुकलाई जातीय राज्यमा लग्न खोजेकै हुन् । तर, सकेनन् । ’
नेता कोइरालाले २०८२ मंसिर भित्र नेपाली कांग्रेसको महाधिवेशन हुने गरी लाग्न नेता कार्यकर्ताहरूलाई आग्रह गर्नु भयो । उहाँले आफू सभापतिपदमा पराजित भएपनि पार्टी सभापतिसँग सौहार्दपूर्ण सम्बन्ध रहेको बताउनु भयो। ‘विधि र विधानसम्मत अगाडि बढ्नुपर्ने हाम्रो मागहो, ४० प्रतिशत भाग खोजेका छैनौं,’ डा कोईरालाले भन्नुभयो।
पुराना र लामो समयदेखि योगदान पुर्याउने मान्छेलाई पाखा लगाउने र नयाँ मान्छेलाई केन्द्रीय सदस्य बनाउने हो भने यसले कांग्रेसलाई कमजोर बनाउने डा. कोइरालाको भनाइ छ । पार्टीमा गुट-उपगुट हुने र ऊर्जाका लागि पनि त्यो आवश्यक भए पनि गुट-उपगुटले एकआपसमा कुरा हुनु नै बन्द गर्नु भन्ने गलत रहेको उहाँको भनाई थियो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच