काठमाडौं । एमालेका हिक्मत कार्की नेतृत्वको सरकार ढलेसँगै कोशी प्रदेशमा नयाँ सरकार गठनका लागि कसरत शुरू भएको छ । विशेषत: कोशीमा राप्रपासमेतकाे साथमा गठबन्धनले आफ्नै नेतृत्वमा नयाँ सरकार बनाउन खोजेको छ ।
यसका लागि प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाले पहल थाल्नुभएको छ ।
यसैबीच प्रधानमन्त्री प्रचण्ड र राप्रपा अध्यक्ष राजेन्द्र लिङ्देनबीच मंगलबार बिहान सिंहदरबारमा भेटवार्ता भएको छ। उहाँहरुबीच समसामयिक राजनीतिक घटनाक्रम, विकास निर्माण र कोशी सरकार निर्माण बारे कुराकानी भएको बुझिएको छ ।
आजै मात्र कांग्रेसले कोशी प्रदेश संसदीय दलका नेता उद्धव थापाको नेतृत्वमै सरकार बनाउने निर्णय गरेको छ।
देउवा निवास धुम्बराहीमा मंगलबार बसेको पार्टीको पदाधिकारी, पूर्वपदाधिकारीसहित नेताहरुको बैठकले कोशीमा संसदीय दलका नेता उद्धव थापाको नेतृत्वमै सरकार बनाउने र यसका लागि आवश्यक पहल गर्ने निर्णय भएकाे थियाे।
उसले राप्रपाको सहयोग लिएर थापाको नेतृत्वमा सरकार बनाउन पहल गर्ने निर्णय गरेको हो । हुनत: यसअघि थापा दुई पटक मुख्यमन्त्री भए पनि बहुमत सिद्ध गर्न नसक्दा सत्ताबाट हट्नु परेको थियो।
यसअघि १६८ को धारा ३ अनुसार प्रदेशसभामा सबैभन्दा ठूलो दलको हिसाबले बनेको सरकारका मुख्यमन्त्री हिक्मत कार्कीले विश्वासको मत लिन नसकेपछि राजीनामा दिनुभएको थियो ।
कोशीमा ९३ सदस्यीय प्रदेश सभामा विश्वासको मतका लागि ४७ सांसदको समर्थन आवश्यक पर्छ।
यहाँ नेकपा (एमाले) का ४०, कांग्रेसका २९, माओवादीका १३, राष्ट्रिय प्रजातन्त्र पार्टी (राप्रपा) का ६, एकीकृत समाजवादीका चार र जसपाका एक सांसद छन्। टुप्लुप्प ४७ सांसद रहेको गठबन्धनलाई राप्रपाले साथ दिए सहजै सरकार बन्छ । प्रदेश प्रमुखले दिएकाे समय सीमा घर्के संविधानत यहाँ मध्यावधि निर्वाचनकाे विकल्प छैन । सहज सरकार बनाउन र मध्यावधि छेक्न गठबन्धन राप्रपालाई साथ लिन चाहन्छ । तर, अहिलेसम्म राप्रपाले गठबन्धनलाई साथदिने विषयमा वचन नदिएको गठबन्धनकै नेताहरु बताउँछन् । यस अघि एमालेकै गठबन्धनकाे सरकारमा समेत राप्रपा सहभागी थियाे । तर, अदालतकाे आदेशमा ठूलाे दलकाे हैसियतमा मुख्यमन्त्री बन्नुभएकाे कार्की नेतृत्वकाे सरकारमा भने राप्रपा सहभागी भएकाे थिएन ।
कोशीमा आफ्नै नेतृत्वमा सरकार निर्माणका लागि कांग्रेस सभापति देउवाले पनि राप्रपाअध्यक्ष लिङ्देनसँग छलफल गर्ने तयारी भइरहेको छ ।
प्रदेश प्रमुख परशुराम खापुङले संविधानको धारा १६८ को उपधारा ५ अनुसार असोज २६ गते अपराह्न ५ बजेभित्र नयाँ सरकार गठनका लागि समय तोक्नुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच