रुपन्देही । रुपन्देहीको तिलोत्तमामा रहेका बैंक र सहकारी संस्थामा चोरी गर्ने तिनजना भारतीय नागरिक पक्राउ परेका छन्।
प्रहरीका अनुसार गत असोज १७ गते रातीको समयमा तिलोत्तमा नगरपालिका वडा नं. ५ मणिग्रामस्थित सांग्रीला डेभलपमेन्ट बैंक र कामना बहुउद्देश्यीय सहकारी संस्थाको गेटको ताला फोडेर नगद तिनलाख ५७ हजार ६ सय रुपैया, ल्यापटप र सिसिटीभी क्यामेराको व्याकअप चोरी गरिएको थियो।
ईलाका प्रहरी कार्यालय बुटवलले उक्त चोरीमा संलग्न रहेका भारतको गोरखपुरका २९ वर्षीय प्रचण्ड बिक्की ठाकुर भन्ने आकाश सिंह, ३८ वर्षीय सोनु भन्ने जितेन्द्र यादव र अरबिन्द भन्ने बिष्णु सहानीलाई पक्राउ गरि थप अनुसन्धान भईरहेको जनाएको छ।
पक्राउ परेका उनिहरुले बंैक र सहकारी संस्थामा चोरी गरेको स्वीकार गरेको प्रहरी नायब उपरिक्षक दानबहादुर थापाले जानकारी दिनुभयो। थापाका अनुसार पक्राउ परेका उनिहरु यसअघि गत बैशाख ९ गते सिद्धार्थनगर नगरपालिका वडा नंं ३, जेठ २ गते सिद्धार्थनगर ८ तथा असार ११ र १३ गते सिद्धार्थनगर ९ मा भएका चोरीमा घटनामा समेत संलग्न रहेका थिए।
नेपालका विभिन्न होटलमा संचालित क्यासिनोको लत लागेका उनिहरु चोरी गर्नकै लागि नेपाल आउने र चोरी गरेको रकमबाट क्यासिनो खेल्ने गरेका थिए। यसपटक पनि भैरहवास्थित क्यासिनो भएको एक होटल अगाडीबाट उनिहरुलाई गत कार्तिक ७ गते पक्राउ गरिएको प्रहरी नायब उपरिक्षक थापाले जानकारी दिनुभयो।
त्यस्तै दशैंको दिन गत र्कार्तिक ७ गते विहान तिलोत्तमा नगरपालिका वडा नंं २ जानकीनगरस्थित गंगा विसीको घरबाट ६० हजार रुपैया र आधा तोला सुनको तिलहरी चोरी गर्ने भारत दार्जिलिङ घर बताउने ४२ वर्षीय कमल थापालाई पनि प्रहरीले पक्राउ गरेको छ। रकम र सुन चोरी गरि घरको छतबाट हाम फालेर भाग्ने क्रममा घाईते भएका थापालाई घरधनी र स्थानीयले नियन्त्रणमा लिएर प्रहरीलाई बुझाएका थिए।
त्यस्तै प्रहरीले बुटवलका विभिन्न स्थानबाट भएका चोरीका घटनामा संलग्न सातजनालाई पक्राउ गरेको छ। पक्राउ परेकाहरु सबै १८/१९ वर्ष उमेरका छन्। बुटवल ११ देविनगरस्थित ईन्द्र बहादुर खत्रीको कोठाबाट सुनको औंठी र कानमा लगाउने टप चोरी गर्ने देविनगरकी १९ वर्षीय अंशिका पल्ली मगरलाई पनि पक्राउ गरेको छ।
प्रहरीले गत असोज १८ गते बुटवल उपमहानगरपालिका ३ सिद्धबाबा मन्दिर नजिकै पार्किङ गरि राखेको लु ९३ प ७०१० नं. को मोटरसाईकल चोरी गर्ने दुईजनालाई पक्राउ गरेको छ। पक्राउ पर्नेहरुमा गुल्मीको मालिका ३ बस्ने १९ वर्षीय सोनु खड्का र बुटवल ३ बस्ने १८ वर्षीय कृष्ण क्षेत्री रहेका छन्।
त्यस्तै मन्दिरमा राखिएका तामाका भांडा र नगद चोरी गरि भाग्दै गरेका पाल्पाको तानसेन ४ बस्ने २० वर्षीय सन्तोष थापा तथा बुटवल ४ का १८ वर्षीय अबिषेक थापा र सिद्धार्थ जंग लामा भन्ने सन्देश नेपालीलाई पक्राउ गरेको प्रहरी नायब उपरिक्षक थापाले वताउनु भयो।
गत सनिवार बुटवल ११ बुद्धनगर स्थित हेमन्त सुनारको कोठाबाट मोबाईल र नगद चोरी गर्ने स्थानीय १८ वर्षीय सुमित परियारलाई पनि पक्राउ गरेको छ । प्रहरीले लागुऔषध ओसारपसार गर्दै गरेका स्याङजा चापाकोट ९ का २४ वर्षीय स्वस्तिक भक्त भण्डारीलाई पनि तिलोत्तमा ९ मंगलापुरबाट पक्राउ गरेको छ।
ईलाका प्रहरी कार्यालय बुटवलका प्रमुख प्रहरी नायब उपरिक्षक थापाले विगतका वर्षहरुमा जस्तो चाडपर्वको समयमा धेरै ठूला अप्रिय घटना हुन नपाएपनि छिटपुट रुपमा चोरीका घटना भएको बताउनु भयो। थापाले भारतबाट आएका व्यक्तिहरुले यहांका बैंक तथा सहकारी संस्था फोडेर चोरी गर्नु भने चिन्ताको विषय भएको वताउनु भयो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच