काठमाडौं । अखिल नेपाल किसान महासंघले किसान र कृषि क्षेत्रको प्रवद्र्धनका लागि विभिन्न ११ बुँदे माग अघि सारेको छ । दूधको बक्यौता रकम किसानलाई तुरुन्त भुक्तानी गर्न, नेपाली किसानले उत्पादन गरेको सम्पूर्ण दूध खरिद व्यवस्था गर्न, भारतबाट दूध आयात गरिएको विषयमा प्रभावकारी अनुगमन, छानबिन गरी आयात रोक्न, बिक्री नभएको दूध पाउडर बनाई देशलाई मिल्क होलिडेबाट बचाउन माग गरेको छ ।
महासंघ उपमहासचिव सरिता भुसालद्वारा जारी प्रेस विज्ञप्तिअनुसार नेपाललाई खोरेतमुक्त घोषणा गरी दूध तथा दुग्धजन्य उत्पादन अन्तर्राष्ट्रिय बजारमा निर्यात गर्ने गरी बजार खोजी गर्न, नेपाल प्रहरी तथा सैनिकका संस्थाले अनिवार्य नेपाली दूधको प्रयोग गर्नुपर्ने व्यवस्था गर्न, विद्यालय खाजामा दूध समावेश गर्न, ऊखु उत्पादक किसानको बक्यौता रकम अबिलम्ब भुक्तानी गर्न, निर्धारित न्यूनतम समर्थन मूल्यमा अबिलम्ब धान खरिद प्रक्रिया सुरु गर्न, लम्पी स्किनबाट पशुमा क्षति पुगेका किसानलाई तोकिएबमोजिमको राहत सहज र सरल विधिबाट उपलब्ध गराई पीडित किसानका लागि विशेष प्याकेज कार्यक्रम घोषणा गर्न माग गरिएको छ ।
त्यसैगरी बिमित किसानको बिमा रकम भुक्तानीको व्यवस्था र भुक्तानी नगर्ने बिमा कम्पनीलाई कारबाही गर्न, बिमा कम्पनीले अनुदान बिमा गर्न नमानिरहेकाले छानबिन गरी अनुदान बिमा सुचारु पनि माग गरिएको छ । महासंघका अनुसार नेपालमा दैनिक ६५ देखि ७० लाख लिटर दूध उत्पादन हुने गरेको छ । ग्रामीण क्षेत्रबाट संकलन गर्न सक्ने हो भने दूधमा मुलुक करिब-करिब आत्मनिर्भर अवस्थामा छ । राष्ट्रिय कुल गार्हस्थ्य उत्पादनमा यस क्षेत्रको योगदान ९ प्रतिशत रहेको छ ।
विगत केही समयदेखि मुलुकमा उत्पादित दूधमध्ये प्रतिदिन पाँचदेखि छ लाख लिटर दूध बिक्री हुन सकेको छैन । भारतबाट अवैधरूपमा कच्चा दूध सस्तोमा आयात भएका कारण पनि नेपाली किसानले उत्पादन गरेको दूध बिक्री नभएको बताइएको छ । एकातिर लम्पी स्किन रोगका कारण पशुपालक किसानहरू ७५ अर्बभन्दा बढी रकम क्षति बेहोर्न बाध्य भएका छन् भने अर्कोतर्फ बिक्री गरिएको दूधको करिब सात अर्ब बराबरको बक्यौता रकम दुग्ध विकास संस्थानलगायत निजी डेरी उद्योगले भुक्तानी गरेका छैनन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच