नयाँदिल्ली । राउण्ड रोबिन चरणको आफ्नो अन्तिम खेलमा दक्षिण अफ्रिकाले अफगानिस्तानलाई ५ विकेटले पराजित गरेसँगै अफगानिस्तान विश्वकपबाट बाहिरिएको छ । २४५ रनको लक्ष्य पछ्याएको दक्षिण अफ्रिकाले १५ बल बाँकी रहँदा ५ विकेट गुमाएर लक्ष्य पूरा ग¥यो । रस्सी भान डेर डुसेन ९५ बलमा ६ चौका र १ छक्कासहित ७६ रनमा अविजित रहनुभयो । एन्डिले फेहलुकवायो ३७ बलमा १ चौका र ३ छक्का प्रहार गर्दै ३९ रनमा नटआउट रहनुभयो ।
ओपनर क्विन्टन डी ककले दक्षिण अफ्रिकालाई राम्रो सुरुवात दिँदै ४७ बलमा २ चौका र ३ छक्का प्रहार गर्दै ४१ रन बनाउनुभयो । अर्का ओपनर तथा कप्तान टेम्बा बाभुमाले आफ्नो इनिङ्समा ३ चौकासहित २८ बलमा २३ रन बनाउनुभयो ।
एडेन मार्क्रमले २५ रनको योगदान दिनुभयो भने हेनरिक क्लासनले १० रन बनाउनुभयो । डेभिड मिलरले राम्रो सुरुवात गर्दै २४ रन बनाउनुभयो । अफगानिस्तानका लागि रसिद खान र मोहम्मद नाबीले समान २ र मुजिब उर रहमानले १ विकेट लिनुभयो । त्यसअघि टस जितेर पहिले ब्याटिङ गर्ने निर्णय गरेको अफगानिस्तानले निर्धारित ५० ओभरमा सबै विकेट गुमाएर २ सय ४४ रन बनाएको थियो ।
अफगानिस्तानका लागि ओपनर रहमानउल्लाह गुरबाज र इब्राहिम जाद्रानले आक्रामक सुरुवात गर्नुभएको थियो । महाराजले कप्तान हस्मातुल्लाह शाहिदीलाई २ रनमा क्याच गराएपछि अफगानिस्तान ४१-० बाट ४५-३ को नाजुक स्थितिमा पुगेको थियो । रहमत शाहले अजमातुल्लाहसँग ४९ रनको साझेदारीमा पुनर्निर्माण गर्ने प्रयास गरे पनि त्यो पर्याप्त भएन ।
२३ वर्षीय अजमातुल्लाहले एकदिवसीयमा उत्कृष्ट इनिङ खेल्दै ९७ रन बनाउनुभयो । दक्षिण अफ्रिकाका लागि जेराल्ड कोटजीले ४ विकेट लिनुभयो । लुंगी एनगिडी र केशव महाराजले समान २ विकेट हात पार्नुभयो । यसअघि नै विश्वकपको सेमिफाइनल पुगिसकेको दक्षिण अफ्रिकाले राउण्ड रोबिन चरणमा नौ खेलबाट सात जितसहित १४ अंक बनाएको छ । अफगानिस्तान नौमध्ये तीन खेल जित्न सफल भयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच