कालीकोट । कर्णाली प्रदेश सभा सदस्य माननीय हिक्मत बहादुर बिष्टले गैरसरकारी संस्थाहरुले सुरु गरेका विभिन्न विकास तथा निर्माणका कामहरुको सरकारले निरन्तरता दिनुपर्ने बताउनु भएको छ ।
किर्डाक नेपाल कालीकोटको आयोजना र सेभ द चिल्ड्रेनको सहयोगमा सदरमुकाम मान्ममा आयोजित एक कार्यक्रममा सांसद बिष्टले यस्तो बताउनु भएको हो । 'गैरसरकारी संस्थाहरुले सुरु गरेका विकास निर्माण कालीकोटमा धेरै छन्,' उहाँले भन्नुभयो, 'यसलाई स्थानीय सरकार, प्रदेश सरकार वा संघीय सरकारले थप निरन्तरता दिन आवश्यक छ ।'
किर्डाक नेपालले कालीकोटमा बालवालिकाको क्षेत्र र शिक्षा क्षेत्रमा गरेको कामको प्रशंसा गर्दै सांसद बिष्टले अव यसलाई संस्थागत गर्न विशेष गरी स्थानीय सरकारको जिम्मेवारी हुने बताउनुभयो । संस्थाले सुरु गरेका कामहरुमा सहयोग सँगै सम्पन्न भएका कामहरुको निगरानी र निरन्तरता दिनु आवश्यक रहेको विष्टको भनाई थियो ।
बालबिवाहमा कमि ल्याउन संस्थाले गरेका कामहरु स्थानीय सरकारले आफ्नो नीति तथा कार्यक्रममा राखेर कार्यान्वयन गर्नुपर्ने मुख्य कर्तव्य हुने उहाँले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच