खोटाङ । खोटाङको केपिलासगढी गाउँपालिका-४ बाक्सिलामा आगलागी हुँदा एक घर पूर्णरुपमा जलेर नष्ट भएको छ ।
गएराती अन्दाजी ११ः४५ बजे बोइलर कुखुराको चल्लालाई तातो दिन बालिएको कोईला र बिजुलीको रातो चिमबाट सल्किएको आगोले बाक्सिलाका किशोर दुमी राईको ढुंगा माटोले बनेको टिनको छानो भएको तीनतले घर घर पूर्णरुपमा जलेको हो ।
आगलागीबाट १५ वटा बोइलर कुखुराको चल्ला, अन्नपात, भाडावर्तन, काठपात, लत्ताकपडा, २ तोला सुन, ४ तोला चाँदी समेत जल्दा अन्दाजी १५ लाख बराबरको क्षति भएको जिल्ला प्रहरी कार्यालयका सूचना अधिकारी प्रहरी निरीक्षक टीका बरालले जानकारी दिनुभयाे ।
आगलागीबाट सो घरमा सुतिरहेका राईकै १५ वर्षीया भान्जि सरिता तामाङको माथिल्लो भागको अगाडीको २ वटा दाँत भाँचिएको र बायाँ हात फयाक्चर भएको छ । उनको स्थानीय क्लिनिकमा उपचार भईरहेको छ ।
आगोलाई प्रहरी र स्थानीयले आज बिहान २ बजे पूर्णरुपमा नियन्त्रणमा लिएका थिए ।
अग्नी पीडितहरुलाई अस्थायी वास स्थानको व्यवस्थापन गर्न छलफल भईरहेको बाक्सिलाका वडाध्यक्ष खड्ग बहादुर तामाङले बताउनुभयाे ।
विपतमा नआतिन र विपतमा परेका परिवारलाई सहयोग गरिदिन गाउँपालिका अध्यक्ष समिर राईले सबैलाई आग्रह गर्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच