काठमाडौ । सूर्य नेपाल गल्फ टुर २०२३-२४ अन्तर्गत सिजनको पहिलो प्रतियोगिता सूर्य नेपाल सेन्ट्रल ओपनको तेस्रो दिन राष्ट्रिय टिमका एमेच्योर गल्फर सद्भाव आचार्य ४ स्ट्रोकको अग्रतासहित शीर्ष स्थानमा कायमै रहन सफल हुनुभएको छ । गोकर्ण गल्फ क्लबमा सद्भावले बुधबार ४-अण्डर ६८ स्कोर गर्दै समग्रमा १४-अण्डर २ सय २ सहित प्रोफेसनल गल्फर दिनेश प्रजापतीलाई ४ स्ट्रोकले पछि पार्नुभयो । चार स्ट्रोकको अग्रतामा सद्भावले उपाधि जित्ने सम्भावना बलियो बनाउनुभएको छ । दिनेशले ३-अण्डर ६९ अंक जोड्दा समग्रमा १०-अण्डर २ सय ६ सहित दोस्रो स्थानमा कायमै रहनुभएका उहाँ प्रोफेसनलतर्फ भने सबैभन्दा अघि रहनुभएको छ ।
समग्रमा ७-अण्डर ३ सय ९ को सानदार स्कोरमा भुवन नगरकोटी तेस्रो स्थानमा उक्लिनुभएको छ । भुवनले दिनकै उत्कृष्ट स्कोर कार्ड बनाउने क्रममा ७-अण्डर ६५ खेल्नुभयो भने सञ्जय लामा र जयराम श्रेष्ठ संयुक्तरूपमा चौथो स्थानमा रहनुभएको छ । सञ्जयले ३-अण्डर ६९ र जयरामले ३-ओभर ७५ को प्रदर्शन गर्नुभएको थियो । धनबहादुर थापा र एमेच्योर खेलाडी टासी छिरिङ समग्रमा इभन-पार २ सय १६ सहित संयुक्तरूपमा छैटौँ स्थानमा रहेको आयोजकले जनाएको छ ।
आयोजकका अनुसार ७२ होलको चारदिने प्रतियोगितामा ३३ प्रोफेसनल र ५ एमेच्योर गरी कुल ३८ खेलाडीको सहभागिता छ । कुल आठ लाख ४० हजार नगद पुरस्कार राशिको प्रतियोगिता विजेताले एक लाख ४५ हजार नगद पुरस्कार प्राप्त गर्नेछ । दोस्रो र तेस्रोले क्रमशः ९४ हजार र ७० हजार पाउनेछन् भने कट बनाउने अन्य प्रोफेसनल गल्फरले पनि नगद पुरस्कार पाउनेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच