धनगढी । अल स्टार स्पोर्ट्स एकेडेमी धनगढीले लेडी जेसिज कप राष्ट्रिय महिला फुटबलको उपाधि जितेको छ । सम्पन्न फाइनल खेलमा रौतहट महिला फुटबल एकेडेमीलाई १-० ले हराउँदै धनगढी च्याम्पियन बनेको हो ।
नेपाल प्रहरी शिक्षालय (भरतपुर तालिम केन्द्र) मा भएको खेलमा धनगढीलाई विजयी गराउन विर्सना चौधरीले निर्णायक गोल गर्नुभयो । उहाँले पहिलो हाफमा गरेको गोल नै धनगढीलाई जिताउन पर्याप्त भयो । विर्सना नै प्लेयर अफ दि म्याच बन्नुभयो । उहाँले पाँच हजार रुपैयाँ प्राप्त गर्नुभयो ।
च्याम्पियन बनेको धनगढीले ट्रफीसहित दुई लाख रुपैयाँ प्राप्त गरेको छ । उपविजेता रौतहटले एक लाख रुपैयाँ प्राप्त गरेको छ । च्याम्पियन टिमकी कप्तान निरु थापा प्लेयर अफ दि टुर्नामेन्ट बन्नुभयो । उहाँले ट्रफीसहित २० हजार रुपैयाँ प्राप्त गर्नुभयो ।
धनगढीकी उषा नाथ प्रतियोगिताभरको उत्कृष्ट गोलकिपर, रौतहटकी समीक्षा घिमिरे उत्कृष्ट डिफेन्डर, रौतहटकै इशा राना मगर उत्कृष्ट मिड फिल्डर र धनगढीकी ममता पुन मगर उत्कृष्ट फरवाड घोषित हुनुभयो । यस्तै धनगढीका सुरज तामाङ उत्कृष्ट प्रशिक्षक बन्नुभयो ।
उहाँहरूले जनही १० हजार रुपैयाँ प्राप्त गर्नुभयो । नारायणगढ लेडी जेसिजको आयोजना तथा चितवन जिल्ला फुटबल संघको प्राविधिक सहयोगमा सम्पन्न प्रतियोगितामा आठ टोली सहभागी थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच