लण्डन । इंग्लिस प्रिमियर लिगअन्तर्गत आइतबार राती भएको खेलमा म्यानचेस्टर युनाइटेडले जित हासिल गरेको छ । युनाइटेडले एभर्टनमाथि ३-० को जित निकालेको हो । म्यानचेस्टर युनाइटेडका लागि अलेहान्द्रो गार्नाचो, मार्कस यार्सफर्ड र एन्थोनी मार्सियालले एक/एक गोल गर्नुभयो । खेलको अग्रता युनाइटेडले तेस्रो मिनेटमा नै गार्नाचोको उत्कृष्ट गोलको मद्दतले लियो । डियोगो डालोटको क्रसमा गार्नाचोले अविस्मरणीय बाइसाइकल गोल गर्दै खेलमा अग्रता दिलाउनुभएको थियो ।
पहिलो गोल गरेपछि खेलमा केही बेर लय बिराएको युनाइटेडले दोस्रो हाफको सुरुवातमा नै पेनाल्टीमार्फत अग्रता दोब्बर गर्ने अवसर पायो । एस्ली योङले मार्सियालमाथि फाउल गरेपछि युनाइटेडले पेनाल्टी पाएको थियो । पेनाल्टीमा यार्सफर्डले गोल गर्दै अग्रता दोब्बर बनाउनुभयो । पेनाल्टी जित्नुभएका मार्सियालले बु्रनो फर्नान्डेजको पासमा राम्रो फिनिस गर्दै ७५औँ मिनेटमा तेस्रो गोल गर्दै जित सुनिश्चित गर्नुभयो ।
जितपछि युनाइटेड १३ खेलमा २४ अंकसहित छैटौँ स्थानमा उक्लिएको छ । पराजित एभर्टन भने १३ खेलमा चार अंकसहित पुछारबाट दोस्रो स्थानमा छ । एभर्टनको फाइनान्सियल फेयर प्लेका कारण प्रिमियर लिगले १० अंक कटौती गरेपछि तालिकाको अन्तिमतिर खस्किन पुगेको हो । यता रियल म्याड्रिडले स्पेनिस ला लिगामा काडिजमाथि ३-० को जित निकालेको छ । रियलका लागि रोड्रिगोले दुई गोल गर्नुभयो भने अर्को गोल जुड बेलिंघमले गर्नुभयो ।
खेलको १४औँ मिनेटमा रियलले रोड्रिगोको पहिलो गोलको मद्दतले अग्रता लियो । ६४औँ मिनेटमा रोड्रिगोले नै अग्रता दोब्बर बनाउनुभयो । ७४औँ मिनेटमा बेलिंघमले खेलको तेस्रो गोल गर्दै जित सुनिश्चित गर्नुभयो । जितपछि रियल १४ खेलमा ३५ अंक बटुल्दै शीर्ष स्थानमा उक्लिएको छ । दोस्रो स्थानमा रहेको जिरोनाको एक खेल कम खेल्दा ३४ अंक छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच