हेटौंडा । बागमती प्रदेशको राजधानी हेटौंडामा हेटौंडा कप एसियाली खुला रेटिङ बुद्धिचाल प्रतियोगिता २०८० आयोजना हुने भएको छ । मकवानपुर जिल्ला बुद्धिचाल संघको आयोजनामा हुने प्रतियोगिता बुधबार सुरु भएर मंसिर १७ गतेसम्म चल्ने मकवानपुर बुद्धिचाल संघका अध्यक्ष मनोज श्रेष्ठले जानकारी दिनुभयो ।
प्रतियोगितामा नेपालसहित भारत, बंगलादेश र श्रीलंकाका गरी १२० जना खेलाडीले सहभागिता जनाउनेछन् । अध्यक्ष श्रेष्ठले अहिलेसम्म १०१ जना खेलाडीले नाम दर्ता गराइसकेको जानकारी दिनुभयो । स्विस नियमअनुसार नौ राउण्डमा हुने प्रतियोगितामा खेलाडीलाई नाम दर्ताका लागि १० हजार रुपैयाँ शुल्क राखिएको छ । खेलाडीहरूका लागि खाने र बस्नेको सुविधा भने आयोजकले बेहोर्ने बुद्धिचाल महासंघका केन्द्रीय महासचिव धरम लामाले जानकारी दिनुभयो ।
प्रतियोगिताको विजेताले एक लाख २५ हजार, दोस्रो हुने ७५ हजार र तेस्रो हुनेले ४० हजार रुपैयाँ प्राप्त गर्नेछन् । त्यस्तै चौथो हुनेले २५ हजार, पाँचौँ हुनेले २० हजार, छैटौँदेखि दशौँ हुनेले १५ हजार तथा ११औँ देखि १५औँ स्थान आउनेले ११ हजार रुपैयाँ प्राप्त गर्नेछन् ।
प्रतियोगितामा उत्कृष्ट महिला, उत्कृष्ट भेट्रान्स, उत्कृष्ट जुनियर, उत्कृष्ट स्थानीयलगायत विभिन्न विधामा ३८ जनाले नगदसहित पुरस्कार प्राप्त गर्ने महासचिव लामाले जानकारी दिनुभयो । प्रतियोगिता आयोजनाका लागि झण्डै ६१ लाख रुपैयाँ खर्च हुने अनुमान गरिएको जिल्ला बुद्धिचाल संघका अध्यक्ष श्रेष्ठले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच