पोखरा । हिमालय रोडिज सिजन पाँचको उपाधि खोटाङका सञ्जीप राईले जित्न सफल हुनुभएको छ । सोमबार सम्पन्न ग्राण्ड फिनालेमा उहाँले यो उपाधि आफ्नो पोल्टामा पार्न सफल हुनुभएको हो ।
उहाँले उपाधिसँगै १० लाख रुपैयाँ नगद र यामहा मोटरसाइकलसमेत प्राप्त गर्नुभएको छ । प्रतियोगिताको उपविजेता विश्व मगर हुनुभयो । हिमालय टेलिभिजनका अध्यक्ष धर्मराज भुसालसहित कार्यक्रमका प्रायोजकहरूले विजेतालाई पुरस्कार प्रदान गर्नुभएको थियो ।
साउन १५ देखि प्रसारण सुरु भएको पाँचौं सिजनको डिजिटल अडिसनमा चार हजार ४०० र फिजिकल अडिसनतर्फ एक हजार ११६ जना सहभागी भएको आयोजकले जनाएको छ । पाँचौं सिजनलाई सुरजसिंह ठकुरीले होष्ट गर्नुभएको थियो भने र्यापर लाउरेसहित अभिनेता अनुपविक्रम शाही, अभिनेत्रीद्वय दीया मास्के र प्रियंका कार्की ग्याङ लिडरको रूपमा रहनुभएको थियो ।
विजेता र उपविजेताको घोषणा फेवाताल किनारमा गरिएको थियो । एमटिभी इण्डियाको फम्र्याटमा आधारित भएर हिमालय रोडिजले २०७५ सालदेखि नेपालमा प्रसारण थालेको हो । हिमालय रोडिज हिमालय टिभी एचडीमा प्रसारण हुँदै आएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच