काठमाडौं । सुरज श्रेष्ठको स्वरमा रहेको गीत ‘बेनी बजारमा’ श्रोता/दर्शकमाझ आएको छ । दीपक शर्माको रचना र संगीत रहेको गीतको भिडियो शुक्रबार काठमाडौंमा एक कार्यक्रमबीच सार्वजनिक गरिएको हो । कुमार केसीको निर्देशन रहेको गीतको भिडियोमा उषा उप्रेती र दिनेश काफ्लेको प्रमुख अभिनय छ । गीतमा आफूलाई मन परेकी युवतीको प्रेम प्राप्तिको लागि युवकले गरेको प्रयासको भावलाई उतारिएको छ ।
गीतको भिडियोको पृष्ठभूमिमा म्याग्दी जिल्लाको बेनी बजार र आसपास एवं पर्वत जिल्लाको ऐतिहासिक मल्लाज दरबार तथा कुस्माको शताब्दी घरलाई राखिएको छ । अनिल के. मानन्धरको छायांकन रहेको भिडियोमा मनोज कार्कीको सम्पादन छ ।
वि.सं. २०६० देखि गायन क्षेत्रमा आफूलाई होम्नुभएका सुरजको यो १६औं गीत हो । आफ्नै एल्बमको रूपमा उहाँले पहिलो पटक २०६९ सालमा ‘सुर हार्मोनिकल नोट’ नामबाट एल्बम बजारमा ल्याउनुभएको थियो । उक्त समयमा सो एल्बममा समावेश प्रायः गीतहरू चर्चामा आएका थिए । उहाँका ‘जिस्कन्छे मुईयाले, मुद्दा हाल्दिनु, पहिलो माया, भुल्यौ की, लाग्दैन निद्रा लगायतका गीत अधिक रुचाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच